Tura, Mar 21: South Garo Hills-o Bharatiya Janata Party (BJP)-ni saksa dilgipa aro Baghmara-ni gitcham MLA Samuel M Sangma Bristibar salo, National People’s Party (NPP)-o napangskaaha aro ian Lok Sabha election-na skang, BJP dolna dal•en gimaani ong•aha.
NPP-o napanggipa Samuel M Sangma, Independent candidate ong•e susaengmiting somoirango bilsi 10-na Baghmara-ni MLA ong•e seokako man•ahachim indiba 2023 bilsini Assembly election-na skangmangmang ua BJP-o napangenba, BJP-ni candidate ong•e susaskaahachim. 2023 bilsini Assembly election-o ua Independent candidate Kartush R Marak-ni jako amako man•skaaha.
Uni MLA ong•engmiting somoio ua UDP-niba associate membor ong•ahachim.
Samuel Sangma-ni NPP-o napanganiara BJP-na dal•en gimaani ong•aha maina ia Lok Sabha election-o South Garo Hills a•jao BJP-na kam ka•dilnagipa mandekon BJP gimaata gita ong•aha.
Samuel Sangma-ko NPP-ona rimchaksona gita dingtangmancha tom•aniko Baghmara-ni NPP office-o ong•atangaha aro ia tom•anio NPP-chi dilenggipa MDA sorkarini cabinet minister sakgni, chong•motan Marcuise N Marak aro Rakkam A Sangma baksana NPP-ni gipin dilgiparangba bak ra•e uko mande ra•bee rimchaksotokaha.
Na·simang iakoba poraina man·gen: UPSC-ni Civil Services Prelims-ko June 16 tariko ong•atskagen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
