Shillong, June 28: Meghalaya a·doko kal·susana changgiparang bang·en donggenchimoba skulrango iarangko skianirang namen komiengani gimin iarangko dingtangatna nanga ine Education Minister Rakkam A Sangma aganaha.
Kal·susaani aro uandake dingtang dingtang dolrang be·enko ranta ka·na skiani, skie on·giparang aro dingtangmancha kal·susaani bidingo a·dokni chadamberangna skie on·anirangko nanga ine sorkariko mol·molaniko man·enga ine, skulrang aro skigiparang iako dakna gisik nangja ine ua aganaha. “Be·enko ranta ka·aniko skianiara nangchongmotgipa ong·a. Angni skul aro college napmiting salrango, dingtangmancha skie on·giparang dongjagenchimoba, be·enko ranta ka·ani kamrangko namen gisik nangata,” ine ua talataha.
Bang·a skulrang aro skigiparang be·enko ranta ka·ani gimin u·ia indiba uko dakatja ine iako skulni subjectrango on·chapmangmangaigija namedake kam ka·na nanga ine ua aganaha.
Uandake ua songni manderangni chu·sokanirangni gimin janape, an·tangni constituency-oni Subroto Cup finalrangona dogiparangni gimin aganaha. “Tura-o Meghalaya Games-ko ong·atmiting somoio anga bang·a kal·susaanirangko nina re·angaha aro South West Khasi Hills-oni bang·a bak ra·giparangkon medalrangko amangarangko nikaha. Uamang baditana kingking name skie ra·aniko man·a anga u·ija indiba uamang kal·susaanio changgipa-sapgiparang ong·a. Ring choan aro chio jroanirangko susaatgenchimode, angni songoni medalrangko bang·bate man·genchim maina chingo chibima ro·batgipa donga,” ine ua aganangkuaha.
Da·oni chasongo skie ra·anirangko dakanio, be·enko ranta ka·aniko nangchongmotgipa subject dake ra·jaenga ine, iako dakna neng·nikaniara chol dongjani gimin ong·ja indiba ramako mesoke on·gipa donggijani aro namedake niamko tarijani a·sel ong·a ine ua talataha.
Iarangko namatna, sorkari ja·kurangko de·enga ine Physical Educationko skigiparangna kamrangko nakataha aro sorkarini skulrango iako skigipani kamrangko bang·en nakatatkugen ine ua parakataha. Una agreba, a·doko pilak sorkarini dakchakaniko man·gipa skulrang aro skie ra·chakram biapranng be·enko ranta ka·na skie ra·aniko dakna nangchongmotgipa ong·atna nanggen ineba ua aganaha.
Na·simang ia video-koba nina man·gen:
Na·simang iakoba poraina man·gen: Niamgri jabolrangko galenganiko jegale MGUM aro Blue Sky NGO jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
