Tura, Mar 28: Tura-o Bethany Society-ko bikotdilgipa Spain a•songni Missionary, Sister Rosario Lopez Herreria, ru•utbea bilsirangna Garo Hills-o donge, be•enni gita cholgri ong•gipa manderangna dangdike on•angani ja•man Bristibar salo, Shillong-ni Nazareth Hospital-o a•gilsakko watangaha. Ua bilsi 94 ong•ahachim.
Catholic Mondolini ning•o donggipa Missionaries of Christ Jesus (MCJ)-ni membor ong•e Sister Rosario, be•enni gita cholgri ong•gipa bi•sarangna dingtangmancha nokko kulie on•aha aro Braille-ko jakkale uamangna a•gilsakni seng•anikoba on•na kamko ka•angaha. Be•enni gita bilgri ong•e ja•delgimin manderangnaba ua janggi tangani cholko on•na gita dingtang dingtang jakni kamrangko aro gama ge•anirangko skie on•skaaha.
Uni songsalna ka•sae dangdike on•ani gimin Sister Rosario-na Pa Togan Nengminja award-koba on•ahachim.
Uni manggisiko da•o Tura-ona ra•bapilengaha aro Good Friday-ni salo Garo Hills-ni manderang uko bon•kame nirikna aro mande ra•pilskaaniko on•na man•na gita Tura-ni St Xavier’s School-o dongen.
Uni manggisiko Sonibar salo gopna manchisoenga.
Na·simang ia video-koba nina man·gen:
Na·simang iakoba poraina man·gen: A·chik Theatre dol ‘Du·kon’ dakmesokanichi World Theatre Day-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
