Guwahati, Aug 28: Brahmaputra-ni mingsinggipa poedo segipa Bharat Ratna Dr Bhupen Hazarika-ni atchiaoni bilsi 100 ong•aniko gisik ra•na ma•mong sorkari gong 100-ni tangka bisil-ko tarigen ine parakataha.
Ia tangka bisil dawilgipa, 44mm diameter ong•gen aro uni rikingo ge-200 rikken-rikken dake ma•atanirang donggen aro uko 99.9% brina donggijagipa rupa-oniko tarigen ine Ministry of Finance parakataha. Uni jreani gram 40 ong•gen aro bang•a-bang•ja 0.0005 gram-ni gita dingtanganirang donggen.
Ma•mong sorkari-ni rai-ko kusi ong•e ra•chake, Assam-ni skotong minister iako Dr Bhupen Hazarika-ni kamrangko mande ra•ani ine janape social media-ni X-o gatataha aro uni bilsi 100 gapaniko manianirangko su•ubatatanina Prime Minister Narendra Modi-ko mitelaha.
Ia tangka bisilko “Ganga aro Luit-ni gisepo nangrimgrikani aro a•songni mitelpilaniko mesokani” ine Union minister Sarbananda Sonowal aganaha. “Ia mande ra•aniko dakaniara Bhupen Hazarika-ni gimin gisik ra•atanirangko tange rakkianisan ong•aija indiba uni on•gilanirangko manina a•songni manderangna didianiko on•gen,” ine ha agandapaha.
Ia bilsi gimikna manianirangko Assam a•doko September 8-oni a•bachenganggen. Prime Minister Narendra Modi-ba September 13-14 tarikrango ia manirango bak ra•anggen.
Na·simang iakoba nina man·gen:
Na·simang iakoba poraina man·gen: CMECC 6.0-ni ning·o Outreach Programme-ko Dalu ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
