Shillong, March 23: Meghalaya-o ganding-chindingrangko tarianirangko namdapatna inenba, National Institute of Fashion Technology (NIFT), Shillong, Sombar salo bi·sarangni ganding-chindingko tariani executive programme-ko a·bachengataha.
Ia programme-ko Ministry of Micro, Small and Medium Enterprises-ni RAMP (raising and Accelerating MSME Performance) programme-ni ning·o a·dokni Department of Commerce and Industries dakdilenga aro World Bank dakchake on·enga, aro uandaken, uamang a·doko bading-chiwalanirangko a·bachengatgiparang aro sika-koanirangko changgipa-sapgiparangna dingtangmancha skie on·anirangko dakna miksongenga.
Tom·aniko ong·atengon, Commerce and Industries-ni Joint Director Moonlander Wanshnong Meghalaya-ni textile sector-o changgipa-sapgipa kam ka·giparangko tariani aro gital cholrangko ra·baanirangni gimin talate aganangaha. Uamangni changa-sapanirang uamangko an·tangtangna janggi tangani cholko bikotna dakchakgen inenba ua skie ra·giparangko gisik nangchina aro namedake skie ra·china didiangaha.
Uandake, technical kamrangko changani, aro an·tang ka·e nianichi skie ra·ani namgnirangni gimin NIFT Shillong-ni official-rang talate on·aha. Jaktangchi dake nie changa-sapanian uamangko chu·sokatna dakchakgen inenba Joint Director Rimi Das, skie ra·giparangko bimchipe bak ra·angchina didiangaha.
Ia programme-ni ning·ao iano a·dokni dingtangmanchagipa dakbewalrangoniko aro sika-koanirangko ra·enba sak 25 manderangna skie on·anirangko dakanggen.
Ia programme-ara pangkamgipa janggi tangani cholrangko a·bachengatani, MSME-rangko bilakatani, aro India-o ganding-chindingrangko tarianio Meghalaya-koba bak ong·atna ine miksonge a·bachengatenggipa ong·a ine official-rang aganangaha.
Na·simang iakoba nina man·gen:
Na·simang iakoba poraina man·gen: Defence-ni data-ko Pakistan-ona sriksrik on·atanina Chabua-oniko Air Force-o kam ka·gipa mande saksako rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
