Guwahati, Dec 10: Budbar salo, Assam-ni Skotong Minister Himanta Biswa Sarma, 1979-85 bilsirango niamgri napsrukbagiparangni kosako dakgrike janggi galgipa sak 860 manderangko mande ra·ani ro·ong Jatya Swahid Smarak-ko oprake on·angaha.
Dakgrikani itihasni bilsi sotbri ja·mano – aro skanggipa matgrik Khargeswar Talukdar-ni janggitango on·chakani ja·mano, Assam a·dokni ong·baani aro janggi tangbaani itihas-o dingtanganiko ra·bagipa manderangni boliko gisik ra·na uamangna mande ra·ani ro·ongko songaha.
Ia mande ra·ani ro·ongko Swahid Diwas, ba December 10, 1979-o sianggipa bilsi 22 ong·gipa Talukdar-ni siani salko bilsianti gisik ra·enga gita manianiko dakanio oprake on·angaha.
Ia Swahid Smarak bigha 113 a·ao ong·a, feet 225 changroa, aro sianggimin matgrikrangni noksarang aro tarigimin bimangrang, chiring-chibisikrang, cycle salani ramarang aro manderangni jakkalna man·gipa gipin cholrangko mesokgipa gallery donga. Iako rikna pangchakani ro·ongko gitcham skotong minister Sarbananda Sonowal December 10, 2019-o songe on·angaha.
“Ia salo, an·ching Assam Agitation-ni matgrikrangni janggitangtangko on·chakaniko gisik ra·a. Je manderangni songdong-a·chabaani gimin name u·ija, uamangna a·arangko paljachina, kamrango rakkijachina aro an·chingni a·arang aro toromni biaprangko ra·sekna on·jachina anga pilak Assamese-rangko mol·molna ska,” ine skotong minister Sarma manderangna parakataha.
Sianggimin matgrikrangko aro uamangni janggitangtangko on·chakaniko gisik ra·na ia biapona re·bachina ua a·doko songdongonggipa manderangko okamaha aro unbaksana sak 500-na chakgipa auditorium, aro Assamese manderangni ong·baani itihas aro ia dakgrikaniko mesokgipa noksarangni digital archive-ko tarina chanchisamsoanirangkoba parakataha.
Mangaldai electoral roll-rang gipin a·songchini napsrukbagipa ine chanchichipgipa manderangko bang·en man·e, ma·ambioni songdongbagipa manderangni gisepo jajrenganirang nakataha aro uandaken Assam Agitation-ko a·bachengataha. Ia jegalanirangko chatro-chatrirangni dolrang jekai All Assam Students’ Union (AASU) a·bachengataha aro ru·uta bilsirangna ong·angenga 1958 Assam Accord-ni somoio matchoteaha.
Ia jegalanirangara Assamese songsarko nangrimatgipa dal·begipa dakgrikani ong·a ine Union Minister Sarbananda Sonowal tom·anio jinmana parakataha. “Ia jegalanirangko dakani somoio, sak 860 ka·donggipa Assam-ni depanterang janggitangtangko on·chakaha. Assam Movement manderangni a·songtangna ka·saani, an·tangtangko on·kangani aro ka·dongani chin ong·kamgen,” ine ua aganangaha.
“Ia Assam Movement an·chingni itihas-o pangnan dongkamgen. Chinga uno bak ra·gipa manderangni niksamsoanirangko chu·sokatna an·tangtangni on·kange kam ka·aniko changsatai parakata,” ine Prime Minister Narendra Modi social media X-o segataha.
Uandake, janggitangtangko on·chakgiparang Assam-ni a·arangko aro jatni dakbewalrangko chelchakgiparang ong·a ine BJP-ni national president JP Nadda janapaha, aro uamangni ka·dongani Idia-ni pilak manderangna didianiko on·engkua ine Union Minister Jyotiraditya M. Scindia aganangaha.
Na·simang iakoba nina man·gen:
Na·simang iakoba poraina man·gen: NESO, Salgro Salaram a·dok gimiko CAA-ni kosako jegalaniko mesokna “black day “-ko manigen ine parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
