Dibrugarh, Dec 18: Tinsukia a·jani Bogapani Elephant Corridor ba mongma re·sotgipa rama, jean changsao Asia-o dal·batgipa mongma re·sotronggipa biap ong·achim, ua biaprangko a·a sekdraani aro biaprangko napdapatanichi champengatako man·aha. Ia re·sotgipa ramara Assam-ni Dehing Patkai-ni buringrangko Arunachal Pradesh-ni mongma dongram biaprang baksa nangdimatgipa ong·a. Batanggimin sal somoirangode mang 200 mangni gita bang·bea mongmarang ia ramarangko batsotna jakkalrongachim.
Ru·uta bilsirangna, jolo songdonggipa manderang “Hati Mela” ingipa tom·bimonganio mongmarangni rama batsotaniko nirikrongachim. Indiba batanggimin bilsirangoni dipet, mongmarang re·barongjaengaha. Indake, jolo songdonggipa saksa Ramesh Tanti-ni aganani gitade, da·o ia mongmarang songrangona napbaskaenga, jeni a·selan mongma aro mandeni gisepo nangrikani batroroenba bang·a manderangni janggirang gimaatako man·aha.
Buringo donggipa sambol aro matburingrangko naljoke rakkigipa Devajit Moran, mongmarangni mongsonggipa re·sotram ramarang jekai Golai ingipa biaprangko chu·gimik gitan sekdraaha aro Bogapani-kode bon·en champengatsrangaha ine u·iatengon, iani a·selan mongmarangko mande dongram biaprangona re·bana dra·atako man·enga ineba ua janapataha. Ia neng·nikanirangko olgrokatna gitade songni manderangba bakrimpaaniko on·a nanggen ineba ua didianiko dakangaha.
Wildlife Biologist Dr. Kashmira Kakati-ni badi ka·anichi ia ong·a obostani bidingo National Green Tribunal u·ina man·aha. A·dok sorkari, samtangtango donggipa ong·telaigiparangko naljoke rakkina dongimin niamrangko pe·e, Golai Elephant Corridor ning·a gita oil terminal-ko rikna Indian Oil Corporation Ltd (IOCL)-na on·aha ineba ua u·iataha.
Digboi-ni Divisional Forest Officer B. V. Sandeep, biaprangko sekdraani a·sel mongma batsotram biaprangko namen nosto ong·ataha ine u·iatangaha. Iani gisepon, Forest Department-ni gita mongmarangni re·ronggipa biaprangko nichokkianiko dake songni manderang baksa agangrikaniko dakengon, mongmarangni batsotram ramarangko champengata ong·ode, mandeni janggirangko kengniona sokata ineba mikrakatanikoba on·ataha.
U·i-ma·sigiparangni aganani gitade, ia neng·nikanirangko ru·uta sal somoirangna namatani cholde uan a·a sekdragiparangna gipin biaprangko on·anian ong·a, jedakode Bogapani Corridor gita mongmarang rama batsotaina man·gen aro mande-mongmani gisepo nangrikaniko komiatgen.
Na·simang iakoba nina man·gen:
Na·simang iakoba poraina man·gen: Narang Festival-ko Chibragre-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
