Shillong, Nov 6: Office of the Controller of Communication Accounts (CCA), North East India Telecom Circle, Nationwide Digital Life Certificate Campaign 4.0-ni ning•o, BSNL Office, Tura, West Garo Hills-o nangchongmotgipa mikrakatani programme-ko ong•atangaha.
Ia tom•bimonganiko BSNL aro DoT pensioner-rangna Jeevan Pramaan application gita Digital Life Certificate-rangko (DLC) on•na dakchakna aro iani bidingo u•ianiko on•na ine miksonganio ong•atangaha.
Uandake, ia tom•bimonganiko November 2025-o Digital Life Certificate-rang bon•asienggipa ba expire ong•nasienggipa sak 1000-mang manderangna ong•atangaha.
Communication Accounts-ni Joint Controller Shubhranil Das, Digital registration-ni gamchatani gimin agane on•enba, Jeevan Pramaan App-ko jakkalani bewalko mesokangaha, jekon Play Store-oniko man•a ama aro mamung neng•nikni gri certificate-rangko on•atna dakchaka.
Unbaksana, digital cholko jakkale bimung segatna man•gijagipa pensioner-rang ia certificate-rangko offline on•atnaba man•gen ine ua aganangaha.
Ia campaign-ko a•songni dam 171 biaprango ong•atenga aro pension man•giparangni life certificate-rangko bilsianti gatatna dakchakna ine miksongenga.
Bang•a pension man•gipa manderangan an•tangtangni Digital Life Certificate-rangko ia tom•bimonganiko dakengmiting somoion app-gita gatatna man•aha.
CCA office-ni officialrang, jekai Giridhar Tayung, Sr. Accounts Officer; Debashree Sharma, Accounts Officer; Kundal Kumar Das, Assistant Accounts Officer; aro Ginmun Valte, Assistant Accounts Officer, DLC registration-ko dakani somoio dakchakaha aro pensioner-rangni neng•nikanirangko namatna cholrangko mesoke on•angaha.
Ia tom•bimonganiara Sorkari-ni Digital India aro Ease of Living mission-rangni bak ong•a jean pension man•gipa manderangna biap damsano somoi gita aro nanggipa cholrangko on•na dakchakenga.
Na·simang iakoba nina man·gen:
Na·simang iakoba poraina man·gen: Zubeen Garg- Cholgri-apgri manderangni pal-o chadenggipa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
