26.3 C
Tura
spot_img

BTC-ni gital CEM aro EM-rang Mongolbar salo ku•mikchetgen

Must read

Guwahati, Dec 14: Bodoland Territorial Council (BTC)-ni gital chief executive membor (CEM) aro executive membor-rangko ku•mikchetatna gita Mongolbar salni bako Kokrajhar-o dingtangmancha tom•aniko ong•atanggen ine Assam-ni Cabinet minister aro BJP-ni dilgipa Himanta Biswa Sarma parakataha.

BJP, United People’s Party Liberal (UPPL) aro Gana Suraksha Party (GSP) dolrang, BTC-o gital council-ko rikna gita bakrimanaha aro UPPL-ni dilgipa Pramod Boro, uamangni chief executive membor (CEM) ong•gen ine re•anggipa Robibar salo, Assam-ni Chief Minister Sarbananda Sonowal parakatahachim.

“Ia dolgittamni chegipa candidate-rangko Governor okamatmanaha aro uamang knal pring 11:00 bajio Kokrajhar-o ku•mikchetanggen,” ine Sarma, Sombar salni bako UPPL-ni dilgipa Pramod Boro baksa state BJP president Ranjeet Kumar Dass-ni noko tom•e chanchirimani ja•man, kobor ra•timgiparangna parakataha.

Ia chang BTC election-ni result-o pilak dolrangan dolsanchi batna man•jahani gimin Assam sorkario BJP baksa bakrimaniko on•enggipa Bodoland People’s Front (BPF)-ni dilgipa Hagrama Mohilary, bilo dongangkuna miksonge council-ko bakrime rikna gita BJP dolko mol•molatahachim indiba BJP dol, uni mol•molaniko ra•chakskajaha.

BTC-ko changgittamna kingking joljol chalaianggipa BPF dol, ia chang election-oba dam 17 seat-rangko chee dolsanchi bang•batgipa ong•ahachim indiba council-ko rikna gita membor-rang chu•ongjaha.

Ia chang BTC election-o UPPL dam 12 seat-ko, BJP dam 9-ko aro GSP damsa seat-ko chee da•o dolgittam bakrime council-ko chalaiskana siengahachim.

spot_img

More articles

spot_img
-->

Latest article