Ka National People’s Party (NPP)ha ka sngi Thohdieng kala pynbna paidbah ia u President ka Khasi Author Society (KAS) Dr DRL Nonglait kum u kyrtong ka party na ka bynta ka elekshon shiteng samoi ka Shillong Lok Sabha bad u National President bad Myntri Rangbah ka Jylla Conrad K Sangma ula pynpaw ia ka jingsngewskhem ba ka party kan jop ha kane ka elekshon shiteng samoi.
U President ka Khasi Author Society bad Professor ka NEHU Dr DRL Nonglait, ha ka sngi Palei, ula kular ban trei na ka bynta “ka bha ka miat ki paidbah bad ka Jylla” hadien ba ka National People’s Party (NPP) kala pynbna paidbah ia u kum u kyrtong ban aireng ha ka elekshon shiteng samoi ka Shillong Lok Sabha.
Ki khun ki raiot ka Hima Sohra ha ka sngi Palei, kila iatur paidbah sha Khasi Hills Autonomous District Council (KHADC) ban dawa ia ka Executive Committee ka Voice of the People Party (VPP) ba kan ai sanat noh ia u Syiem Marremdor Syiem, uba la jied da ki Khlieh Nongsynshar ka Hima.
Dr D.Rockyer Lyngdoh Nonglait uba ju iatip kum u President ka Khasi Author Society (KAS), ula pynskhem ban long u kyrtong jong ka party ba synshar ia ka Jylla-ka National People’s Party (NPP), ha ka elekshon shiteng samoi ka Lok Sabha na Shillong Constituency ban sa long shen.
U President ka Khasi Authors Society (KAS) u Dr DRL Nonglait hynne ka sngi Balang, ula phah ia ka shithi sha ki Nongialam ka seng National Peoples Party (NPP) ba ula pdiang ka jingtyrwa ka jongki ban iakhun kum u kyrtong ka NPP ha ka elekshon shiteng samoi jong ka MP Lok Sabha na Shillong Constituency.
Ka Meghalaya College Teachers’ Association (MCTA) bad ka Khasi Jaintia Deficit School Teachers’ Association (KJDSTA) ha ka sngi Balang, kila mih jyndat na ka jingialang ba pynlong da ka Tnad Education halor ka Meghalaya Non-Government Schools and Colleges Employees Centralized Fund Scheme, 2026, ban pyrshah ia ka jingdon lang ki briew na Bank bad ka jingbym khot lang ia ki kynhun ba don bynta hakhmat eh.
Ki seng sain pyrthei ka Jylla ha ka sngi Balang, kila ioh ia ka jngbatai halor ki jinglap ba kongsan jong ka Expert Committee on State Reservation Policy ha ka All Party Meeting bala pyniaid da u Myntri Rangbah ka Jylla Conrad K Sangma, bad ka Sorkar kala ong ba ki seng sain pyrthei kim shym la pynsngew ia kano kano ka jingiapher jingmut kaba khraw halor ka kaiphod ka Committee.
Ka Sorkar Meghalaya ka la wanrah ka jingpynkynriah kam ia ki ophisar IAS bad MCS, da kaba pynkynriah ia ki Deputy Commissioner jong ki 3 tylli ki district bad phiah kam ha kylleng ki tnat treikam Sorkar.
