Itanagar, July 29: Arunachal Pradesh Police dolni, Itanagar Capital Region-oniko cha·ogimin garirangko am·sandianiko dakanio Audi, Ford Endeavour, Toyota Fortuner garirangko chanchape gimik gimang bol 57 luxury garirangko rim·na man·aha.
Indake iani bidingo koborko man·soa bakan, Itanagar Capital Police suo moto FIR-ko segataha aro SP Capital, Jummar Basar-ni dilanio Special Investigation Team (SIT)-ko songaha.
Superintendent of Police Jummar Basar, kobor ra·timgiparang baksa agangrikengon, iani bidingo sak bonga manderangko rim·aha aro iandake garirangko cha·oe palenggiparangko sandina SIT songani ja·man uamang bakan kamko ka·ahani gimin uamangko rim·na man·aha ine aganaha.
Police-rangni aganani gitade, iandakgipa manderang mongsongbate Delhi-NCR-ni luxury garirangko cha·obata aro ia cha·ogimin garirangko Arunachal Pradesh-ona ra·baskae garini engine aro chassis number-rangko dingtangate gitalgipa lekka pancharangko tariani ja·man komigipa damo palengachim.
Iandake second-hand garirangko breengon mikrake brechina aro gari nokgipani kakketgipa lekka pancharang chu·onga gita dongosa brena nanga ine songdong a·chaenggipa manderangko SP didiataha.
Na·simang iakoba nina man·gen:
Na·simang iakoba poraina man·gen: A·gilsak gimikoni Kaziranga-o matcha jelbata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
