Shillong, July 29: Kamoni neng·takgimin Justice B. P Katakey-ni 4,000 metric ton koelarang gima·a ine Meghalaya High Court-na 31-gipa interim report-ko on·ea jaman, Excise Minister Kyrmen Shylla, Meghalaya a·doko mikkarang jimbee waani a·sel ia koelarangko Bangladesh-ona man·angahakon ine janapatengon, haida niamgri saoba ra·e katengnaba donga ukoba agana man·ja ineba ua talate on·angaha.
July 25 tariko, High Court a·dok sorkariko Rajaju aro Diengngan songrangoni keola gimaanio jak donggipa official-rang ba manderangni kosako rak·gipa ja·ku de·aniko dakchina u·iatan baksana sawa ia koelarangko niamgri ra·angaha sandichina sorkarina ge·etanikoba on·ataha.
Ia gimagipa koelarangara ong·telaigipa obostarangni a·selma ma niamgri ra·e katani a·selma name koborrangko man·a dongja inenba Shylla aganengon, Koela bikotani aro koela salrura·anio niamrangko ja·rikna nangchongmotani giminba ua janapataha. Iano bak nanggipa department-rang niamgri koela bikotenga ine a·kanganirangko nirok sandianiko dakchinaba ua u·iataha.
Janggi tangna gita saoba niam pe·aniko dakengaba donga ine aganengon, ia jolo songdonggipa manderangde niamni kosako re·badeaniko dakjawa maina sorkarini science-ko jakkale koela bikotani cholko a·bachengate on·anina manderang namniktokaha ine Shylla aganangaha.
NH-6-o rama tarianichi man·enggipa neng·nikaniara dikdiksanasan aro ian namdapatani kamrangko ka·aniko mesoka ineba Shylla janapataha. Ua East Jaintia Hills aro gipin biaprango ramarang aro rika cho·ani kamrangko namdapatna kamrangko ka·enganina sorkariko de·mitelangaha.
Na·simang iakoba nina man·gen:
Na·simang iakoba poraina man·gen: Cha·ogimin bol 57 garirangko Arunachal Police rim·na man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
