Shillong, July 7: Chang 11-gipa State Shooting Championship 2026-o North Garo Hills-ni dambe me·chik bi·sa Giting Rani-ni gegni medalrangko man·anichi North Garo Hills chu·gimik gechet medalrangko cheaha.
Giting Rani, Youth and Junior Category-o bak ra·e an·tangni changa sapani aro bimchipaniko mesoke 10M Pistol gosusa·anio Silver aro Bronze medalrangko cheaha. Indake saksa NGH-ni dambe bi·sani chu·sokaniara mikkangchi NGH ajana mikkim rasongko ra·bana cholrangko mesoksoani ong·a.
Ia susaanio, Anthony D. Marak, 50m Free Pistol (Men)-o Gold Medal aro 25m Stadard Pistol(Men)-o Silver medal-ko chee NGH-ko mikkim rasong dongdapataha.
Uasan ong·aigija Rakku D. Momin 10m Mixed Team Pistol(NR)-o Gold aro 10m Pistol (Men)(NR)-o Bronze, Jerash K. Marak, 50m Rifle Prone(Men)-o Silver aro 10m Men’s Rifle(MQS)-o Bronze medalrangko cheaha.
Ia sakbri NGH ni gosusagiparang chu·gimik gechet medalrangko June 30 oni July 5 tarik-ona ong·atgipa Chang 11-gipa State Shooting Championship-o cheaniko man·e NGH district ni ia kal·susaani a·bao tangdobaaniko mesoka.
Shooting Association of North Garo Hills(SANGH) ni President, Davis C.K Sangma, uamangni chu·sokba·anina nama sikaniko on·ange, ia chu·sokanira uamangni bimchipani, chakchikani aro gisiko nanganiko mesoka ine aganaha. Gitin Rani-ni cheaani gimin agansikaengon, uni cheani NGH a·jana mikkangchi sports ni a·bao tangdoaniko ra·bagen ine ua ka·dongsoaniko parakaha. NGH ni chadamberangba namgipa dakchakani aro namgipa training-rangko manangkuode, changsaode National aro International susaanirang-oba niksengako man·gen ine ua an·tangni ka·dongsoanikoba parakataha.
Na·simang iakoba nina man·gen:
Na·simang iakoba poraina man·gen: M’laya-o chaktopilgija ding•ako chakna nangenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
