Shillong, June 9: Global Sales Science Institute (GSSI) ni chang 19 gipa tom·aniko Shillong songjinmani Indian Institute of Management (IIM)-o June 3 oni 7 tarikrangona ong·atangaha.
Tom·anio bading-chiwalgrikgiparangni gisik a·ning bite kam ka·ani aro dingtang dingtang nanganirangni bidingo chanchigrikaha. Ia tom·aniko USAni Ivy College of Business aro France a·songni EM Strasbourgh Business School baksa nangrime ong·atangaha jeon a·song dam 13 ni manderang sak 50 na bate bak ra·angaha. France, Japan, Germany, USA, Austria, Finland aro Indiani dingtang dingtang a·dokni manderang bakko ra·tokaha.
Ph.D poraienggipa chadamberangna Colloquium programko ong·ate tom·aniko a·bachengataha.
Iako ong·atanichi chasong gitalni poraienggiparangna, Research scholar rangna namen dakchakani aro uamangni uiani ba changa sapani rangko agangrikna cholko man·aha. Ia skanggipa sessionko Shillong IIM ni Dean Of Research Prof. Basav Roychoudhury oprake on·aha. GSSI ni padot Prof Pia Hautamaki Ph. D poraienggiparangna bang·a ra·biani kattarangko aganaha. Teidorlang Lyngdoh, (IIM, Shillong), Prof. Michel Klein (EM Strasbourgh) aro Prof. Raj Agnihotri (Ivy College of Business) ia colloquiumko ong·ate GSSI na namgipa re·chaktani ong·chongmota ine aganaha.
Mongsonggipa tom·aniko June 5 tariko IIM Shillong Umsawli campus-o ming 36 paper presentation baksa a·bachengaha. June 7 tariko ia tom·ani Khasi Heritage village Mawphlang Sacred Grove matchotaha. Tom·aona sokbagipa ripengrang, nitobegipa Khasi rangni ganding-chinding, an·senggipa buring bolgrimrangko nikna man·aha aro songpanggipa manderang baksa gronggrike agan-golpogrikna man·e uamang kusi ong·beaha.
Na·simang ia video-koba nina man·gen:
Na·simang iakoba poraina man·gen: Dibrugarh-o bike bolsako wa·al kamgopa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
