25.3 C
Tura
spot_img

Chang 72-gipa Republic Day-ko Garo Hills-ni dingtang dingtang biaprango manianga

Must read

Tura, Jan 26: India a·songni gipin biaprango gitan Garo Hills-oba a·songni chang 72-gipa Republic Day-ko dingtang dingtang program-rangko ong·ate maniangtokaha.
Tura-o a·songni Republic Day-ko PA Sangma Stadium-o maniangaha aro ia manianio Meghalaya Legislative Assembly-ni Speaker Metbah Lyngdoh, mongsonggipa sokgipa ong·e a·songni nisanko badale on·angaha.

Ia salko manianio Meghalaya Police-ni dolgittam platoon-rang, parade commander aro Deputy Superintendent of Police KR Marak-ni dilanichi march past-ko ka·angaha aro ia march past ka·gipa dolgittam platoon-ranga ABSI Ibandalin Wahlang-chi dilanggipa Special Force (SF-10) me·chik dol, Nosilchi A Sangma-chi dilanggipa Home Guards me·chik dol aro Police band party ong·a.

Chang 72-gipa Republic Day-ko Garo Hills-ni dingtang dingtang biaprango manianga
Chang 72-gipa Republic Day-ko Garo Hills-ni dingtang dingtang biaprango manianga

Ia Republic Day-ko Tura-o manianio West Garo Hills a·jani Health & Wellness centre-rango kam ka·enggipa manderangoni sakgnina Assembly Speaker-ni jakchi, mittelpilani certificate-rangko on·angaha aro ia manianio sabisirangko chel·chakna gita an·tangtangko on·kange kam ka·enggipa West Garo Hills a·jani sak 21 manderangnaba ua mande ra·pilskaaniko dakangjolaha.

Cultural program aro tableau competition-o chegiparangnaba ua ia tom·anio boksisrangko on·angjolaha.

Apsan daken, South West Garo Hills a·jaoba a·songni chang 72-gipa Republic Day-ko Ampati-o aro damgittam C&RD Block-rango maniangaha.

A·songni Republic Day-ko Ampati-ni Students Field-o manianio a·dokni GAD Minister Dasakhiatbha Lamare, mongsonggipa sokgipa ong·e bakko ra·angaha aro a·songni nisanko badale on·angskaaha.

Ia salko manianio South West Garo Hills a·jani dol 5 department-rang, chong·motan AH & Veterinary department, Health department, PHE, DRDA & IBDLP aro Fire & Emergency Service dolrang, tableau mesoksusaanio bakko ra·angaha.

Ampati-o a·songni chang 72-gipa Republic Day-ko manianio, sabisini giproroaniko champengna gita mikkango donge kam ka·giparangna mittelpilani certificate-rangko aro UBSI Bante S Sangma-na Lt Yamuna Naik Award-ko GAD Minister-ni jakchi on·angjolaha.
Ia tom·anio South West Garo Hills a·jao Best ASHA-ni boksisko Brijitha D Marak-na, Best VHSNC 2020-21-ko Lower Damalgre VHSNC-na aro ABPMJAY baksana MHIS-ni boksisko Garobadha PHC-na on·angskaaha.

Ia salko manianio Ampati-ni MLA Miani D Shira, Western Range-ni DIG, South West Garo Hills a·jani Deputy Commissioner Ch Ramakrishna, Ampati-ni SP Rituraj Ravi, dingtang dingtang department-ni officer-rang aro gipinrangba dongpae bak ra·angaha.

spot_img

More articles

spot_img
-->

Latest article