Tura, August 15: Sukrobar salo, West Garo Hills-ni District Administration, PRIME Meghalaya, MBMA, MGMP, Meghalaya Tourism, NRLM, aro Mini Bazaar baksa bakrime India-ni 79-gipa Independence Day-ko DC Park, Tura-o dingtangmancha maniangaha.
Ia manianiona pilakan indin napna on•aha aro dingtang dingtang mesokanirangko dakaha jekai dingtangmanchagipa tricolor installation, sak-30na bate biaptangni enterpreneurrangni pala-sim•anirang aro Lily, Jasmine, Black Jack, Silsang aro Kido Alph-ni git ring•anirangko nikna man•aha. Una agreba, ia manianiona re•bagiparang dingtang dingtang cha•ani-ringanirang, jakchi tarigimin rokomari bosturang, aro bi•sarangko an•saoatani kal•anirang aro uandakgiparangko nikna man•aha.
West Garo Hills-ni Deputy Commissioner Vibhor Agarwal ia manianiona re•bae pala-sim•anirangko nianhaha aro jakgitelani chong•motgipa ortko aro songsaro janggi tanganio darangkoba mikkang nitegija bakrimna nangani gimin jinmana parake aganangaha.
Ia manianiko ong•atgipa dolrangni krenge kam ka•anirangna mitele, songdonggipa manderangoni darangba jakgitele songsaro janggi tanganio, janggi tangani cholrangko dakanio ba jatni dakbewalrango watchanganiko man•jachina krenge kam ka•china DC Agarwal manderangko aganaha. Una agreba, namgipa aro nitogipa bewalo manianiko dakani gamchatani gimin agane, gisik ka•tong gimikchi katchae manianirango bak ra•e ia salko re•atchina Agarwal didiangaha.
Na·simang iakoba nina man·gen:
Na·simang iakoba poraina man·gen: Assam Police-ko name re·dilenganina IPS Officer CP Partha Sarathi Mahanta award-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
