Tura, July 12: Adita salrangna skang Chenggapara songo bijoli nange a·sel ong·ani bidingo Chenggapara songni manderang, Butbar salo West Garo Hills a·jani Deputy Commissioner-ko grongenba a·selo ga·akgipa manderangna janggi tanga gimikna gampilskachina gita dabiangaha.
Ia a·selara, re·anggipa July 9 tarikni pring 11 ata bajimango ong·achim, jeon songona bijoli watna sringgipa line gita karen bilakprete re·anichi Chenggapara songoni sakgittam manderang saknaa man·tokan baksa apsan songoni saksa Brian Marak, a·damon janggi galaha ine salni bako DC-ko grongegiparangoni saksa Bostone Marak koborna aganangaha.
Ia a·selo, jachetna oko keenggipa Epsilla N Marak-ba karen nanga man·e sibokani ja·man ga·akonaha, jekon Purakhasia Hospital-o sanna gita ra·angaha ineba ua agandapataha.
Songona sale on·gipa silitingko karen watgiparangni nirok-simsaka dongani a·sel songni manderang indakgipa obostako chagrongna nangahani gimin songni manderang bijoliko watenggipa private company-ko matnange aganangaha.
Songona sringgipa wire-ko nirokchina gita department-na changni-chang u·iatahaoba, karenko nirokgipa linemen ba bil man·giparangoniba da·alona kingking nirokea dongchipaja ine Boston Sangma matnange aganangaha.
Chenggapara songona sringanggipa LT line aro 11 kb line-ko MePDCL-ni nirokgijani a·sel song gimikon bijoli re·gopengani gimin Chenggapara songni manderang, MePDCL department-ni kosako re·anggipa July 9 tariko Purakhasia police station-o mokordomako segatangahachim.
Iakoba poraie nina man·gen: Shillong-o cha·ani palenggipa dokan nokgiparang, waljatchi 12 bajiona dokrangko kullina on·china DC-ko mol·molanga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
