Tura, June 28: Tura-ni P A Sangma Stadium-o 2025 bilsini Tura Football League (TFL)-ko ong·atani skanggipa Super Division kal·susaanio Chipakore FC 2-0 goal-rangchi Rongkhon Sporting Club-ko amataha aro ian tournament-ko officially a·bachengataniba ong·a. Ia District Football Association-ni ong·atgipa kal·susaanio ge 50 dolrangko gadang 3 dake chong·motan Super Division, First Division aro Second Division dake bak dakataha.
DRDA-ni PD aro Tura Municipal Board-ni CEO, Jude Rangkhu T Sangma, mongsonggipa sokgipa ong·e, DFA-ni official-rang chong·motan Vice President Sengrak D Marak, General Secretary Gamcheng R Marak aro Joint Secretary Nancy A Sangma ma·ang baksa ia tournament-ko a·bachengate on·ani salo dongpae bakko ra·angaha. Mongsonggipa sokgipa ong·e tom·anio jinmana aganprakatengon, ia kal·susaaniko ong·ataniara robol kal·na changgipa chadamberangko sandina aro jolo robol kal·susaaniko niksengbatatna dakchaka ine Jude janapataha. Ua robol kal·gipa manderangko an·tangni ama dipet kal·susaaniko dakan baksana kakket ong·e aro nama bewalo kal·china ku·pattianiko on·angaha.
Ia Super Division-o donggipa chu·gimik dol 8-rangan round-robin league format ba darangkoba ra·galani gri-gipa kal·susaanio bak ra·anggen aro indake ia kal·susaanio nambatgipa dol 2 final round-ko PA Sangma Stadium-o kal·susaaniko dakangskagen.
First Division-o dol 10 aro Second Division-o donggipa dol 32-rangni kal·susaaniko Tura-ni Chandmari-o donggipa Government Boys’ Higher Secondary School-ni robol kak·chakram biapo ong·atangskagen. Ia kal·susaanio bak ra·na dolrangni bimungrangko segatani bon·kamgipa salara July jani 4 tarik aro club-o kal·susagiparangko bodolgrikaniko dakna gita Junly jani 3 tarikona on·ataha aro uamangni kal·susaaniko July 10 aro 11 tariko a·bachengatskagen.
Ia tournament-ni skanggipa kal·susaanio jersy number 13-ko gangipa Johnfield A Sangma, Chipakore FC-na 83 minute-o goal 1 aro 90-gipa minute-o goal 1-ko chipe on·enba teng·suaniko man·aha. Iani gisepon, Rongkhon Sporting Club-niba goal chipna gita krengbegenchim ong·oba, Chipakore-ni dolrang uamangni robol chipna jotton ka·a changantian champengsona gita man·e chu·sokaniko man·jaha. Ia kal·susaanio minute 4-ni somoiko on·dapgenchimoba darangba goal chipna gita man·jaha, indiba namgija bewalrangko mesokanina Chipakore FC-ni sakgni player-rang chong·motan jersey number 2-ko gangipa Chigrik Bidasal S Sangma aro jersey number 19-ko gangipa Pobitro Rabha-na yellow card ba card rimit on·aniko nikna gita man·skaaha.
Kan·dike agangenchimode, ian Chipakore FC aro Tura Football League 2025 gimikna nambegipa a·bachengatani ong·aha.
Na·simang ia video-koba nina man·gen:
Na·simang iakoba poraina man·gen: Emergency-ni bilsi 50 ong·anio Sarbananda Sonowal Congress-ni kosako matnanganirangko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
