Shillong, Feb 5: Meghalaya Board of School Education (MBoSE), re·baenggipa March jani 12 tarikoni March 24 tarikona kingking class IX-ni (Internal examination) 2021 porikkako ong·atna man·chie dongiminko u·iataha.
Class IX-o poraigipa gimik-gimang sak 60000 chatro-chatrirang gnang jemangan da·o ong·atnasienggipa internal exam ba porikkarangko seangtokgen ine MBoSE official, Hub News-na u·iataha.
Secondary School Leaving Certificate (SSLC) porikkako seatani bidingo sing·on, iako jensomaio a·dok sorkari ra·chakahaon chinga tarikrangko u·iatgen ine ua aganchakaha.
Iana adita salrang skang, Higher Secondary School Leaving Certificate (HSSLC)ni Art, Science aro Commerce-ko poraigipa chatro-chatrirangna Class XII-ni practical exam ba project work-ko ong·atna gita MBoSE, re·baenggipa March 23 oni uchi April jani 1 tariko matchotatna tarik manchie dongiminkoba u·iatangaha.
Janapjolna gita, HSSLC porikkako senasienggiparangara sak 40,000 oni sak 42,000 mang ong·gen.
Sajinmana jajrengna nangmitingni somaio porikkarangko ong·atna nangao ga·akengani gimin MBoSE-ni bil man·giparang a·dok sorkarini dongimin dingtang dingtang niamrangko skulrango ja·rikatchina gita ge·etaniko ong·angaha ine u·iatangaha.
