Tura, October 29: District Sports Office chadamberangna dilgipa ong·aniko skie ra·anio, uamangni dakbewal rikbewalrangko u·ie ra·anio aro an·tangtangni changa sapaniko namdapatanio dakchakaniko on·a miksonganio West Garo Hills, Tura-ni District Auditorium-o skanggipa changna Block Level Chief Minister’s Youth Engagement Programme (CM-YEP) 2025-ko ong·atangaha, jeon ge 15 skul-rangoni sak 500 mangni gita chatro chatrirang bak ra·angpaaha.
Bang·a skulni chatro chatrirang dingtang dingtang susagrikanirang jekai noksa salsusaani, agansusaani, poedo aro golpo sesusaani, guitar dokani, ma·gitcham pagitchamrangni git ring·ani aro chroksusaani, sing·anirangna aganchaksusaani, science and technology-o u·ie-ma·siani aro budu salgrikanirango bak ra·angpaaha, jeon skulrang jekai Nokrek Heights, St. Mary’s, Don Bosco, Redemption Academy, Aerovile aro Tura Government College-oni dingtang dingtang category-rango boksis-rangko man·angaha.
District Sports Officer Saljagring M. Marak, chadamberangko namgipa miksonganiona dilangna indakgipa program-rang namen gamchatbegipa ong·a ine aganangaha. Iani 2-gipa gadangni susagrikaniko re·baenggipa November jani 3 tariko Tura-o ong·atangkugen. Ia susaanio chegiparang a·dokni aro a·songni gadango kal·susaaniko dakanggen. Iani gisepon, kal·susaanio nambatsranggiparangde a·song gimikni gadango kal·susaanio Meghalaya-ni palo kal·susaaniko dakna cholko man·aba donga ineba ua agandapangkuaha.
Na·simang iakoba nina man·gen:
Na·simang iakoba poraina man·gen: Chokpot-o niamgri rong·chun aro koila bikotengani bidingo tol·e sakki on·enganina, SHG admin-ni kosako NGO-rang matnangata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
