Guwahati, July 5: Assam Congress Legislature Party, a·dokni tribal-rang baksana uno songdongkamgipa manderang aro chi ban re·anio nangchakeako man·gipa manderangko uamangni nokrangoniko a·rikgalenganiko aro a·rikgalna manchisoaniko dontongatchina, Assam a·dokni Governor Gulab Chand Kataria-na memorandum-ko on·angaha.
A·dok sorkari, 2019 aro 2025 bilsini gisepo manderangko uamangni nokrangoniko a·rikgalanio niam reti-rang aro constituency-rangko ja·rikjaengani gimin jajrenganiko Congress dol parakataha. Namroro silroroaniko ra·baani bimungo noktang jamtangko wate katna dra·atako man·enggipa kangal cholgri aro nangchakeako man·gipa manderangna naljokaniko on·china uamang Governor-ko didiataha.
Uamangni on·gipa memorandum-o, Congress dol a·dok sorkariko, tribal aro songdongkamgipa manderang baksana chi ban re·anio nangchakeako man·gipa manderangko uamangni nokrangoniko a·rikgalaniko bakan dontongatchina mol·molaniko dakataha. Uasan ong·aigija, 2022 bilsioni, Six Scheduled aro Tribal Belt ba block jolrango a·grikgalani case-rangko nirokaniko dakchina gita Special Team-ko donatchinaba mol·molaniko dakataha.
PESA Act, 1996-ni ning·o, a·rikgalaniko dakna skang local council-rang aro district official-rang, Village-Level (Gram Sabha) tom·bimonganirangko ong·ate niamrangko ja·rikna nanga ine Congress dol u·iataha.
Uasan ong·aigija, uamang sorkariko a·ani bidingo rongtalgipa niamrangko tarichina u·iataha, jedakode badia nokdangrang ru·uta somoirangna songdongengahachim aro badiagipa manderangni songdongani ru·utkukachim u·ina gita man·gen. Bebe gita sorkari sakoba noktang jamtangoniko a·rikgalenga ong·ode, Constitution aro International Human Rights-ko ja·rikenba dakchakanirang jekai nok, a·a ba tangka paisarangko on·a nangchongmota ineba uamang sorkario janapataha.
Uamangni on·gipa memorandum-o nangchakeako man·gipa dingtang dingtang jatrang jekai – Boro, Karbi, Ahom, Garo, Rabha, Nepali aro Muslim Bengali-rangko janapataha. Uamangoni bang·bata manderangan a·ani chong·mot lekka pancharang baksana 1950 bilsirangoni uamangni ma·gitcham pagitchamrangni electoral roll-o bimung donggiparang ong·toka.
Ia a·rikgalaniko dakaniara, tribal-rang aro kangal cholgri-rangna a·ani bilko naljoke rakkina on·gipa mongsonggipa niamrang jekai Forest Rights Act aro Assam Tenancy Act-ko pe·ani ong·a baksana Constitution-o uamangna ku·rachakani kosako re·badeani ong·a ineba Congress dol janapangaha.
Manderangna dakchakaniko on·a ku·rachakgenchim ong·oba, nangchakeako man·gipa nokdangrang chong·mot dakchakani ba naljokaniko man·kujani a·sel sorkarini program-rang jekai Mission Basundhara 3.0 chu·sokaniko man·jaha. Congress dol, uamangni memorandum baksa People’s Charter for Humane and Lawful Eviction Policy-ko a·bachengatchina ku·pattianiko on·ataha, jeon a·rikgalanina rongtalgipa niamrangko tariani, nangchakeako man·giparangna niamni gita dakchakaniko on·ani, dakchakanirang jekai nok ba a·arangko on·ani baksana jatna aro samtangtango donggipa ong·telaigiparangna nangchongmotgipa biaprangko ripinge rakkianirangkoba man·chapa.
Na·simang ia video-koba nina man·gen:
Na·simang iakoba poraina man·gen: Mongma aro mandeni gisepo nanggrikani somoio maiko dakna nanga BSF-rangna skie on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
