Shillong, Mar 18: 2026-2027 bilsina Jaintia Hills Autonomous District Council-ni Budget-ko Budbar salo mesoke on•angengon, gong 15,62,38,500-ni deficit budget-ko JHADC-ni Chief Executive Membor (CEM) Thombor Shiwat parakataha.
Ia bilsini budget-o gong 309,26,80,500-ko expenditure ba korosna hisapengon, gong 293,64,42,000-ko receipt ba man•sona gita hisapangskaaha.
Ia budget-ko JHADC-ni CEM, Budget Session-ni skanggipa salo, membor-rangna parakataha.
Gelna man•gijagipa korosrang, jekai council-o kam ka•giparangna dormaha bariatani aro dingtang dingtang on•ani, pensioner-rang bariroroengani aro dingtang dingtang a•selrangchi budget-o chu•onggijani nakataha ineba CEM parakataha. District council-ni dingtang dingtang department-rangko nambate chalaina korosrangko nangaia ineba Shiwat talataniko on•angaha.
2024-2025 bilsiona kingking JHADC-ni annual account-rangko Meghalaya a•dokni Accountant General (Audit)-na tarie on•manaha ineba CEM parakataha.
Taxation Department, Khliehriat Branch-ni office-ko chu•gimik kam ka•giparang baksa kulie on•manaha ineba Shiwat, budget session-ni skanggipa salo parakataha.
Na·simang iakoba nina man·gen:
Na·simang iakoba poraina man·gen: Guwahati-o buchuma saksa Holi-ni saloni gimaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
