Guwahati, March 18: Guwahati-ni Jyotikuchi minggipa biaponi bilsi 70 ong·gipa buchuma saksa March 3 tarik, Holi-ni saloni gimaenga, aro uko sandianirango mamung koborrangko man·dapjae uni depante namen jajrenganirangko man·enga.
Gimaenggipa me·chik Lakhi Das, gisikni an·senggijanirang gnang aro ua sepangjolo rorame roronga ine koborko man·aha. Ua uni hajira ka·e cha·gipa depante, Nirananda Das baksa janggi tangengachim.
Nokni manderang aro noksul-songsulrangni aganani gitade, Lakhi Das March 3 tarikni pringoni gimaaha aro unoni dipetan uko nikkujaenga.
“Angni ma·gipa Holi-ni sal, March 3 tariko gimaaha. Chinga uko pilak biaprangonikon sandiengaha indiba uko nikkujaenga. Ua bilsi 70 ong·aha aro gisikni an·senggijanirang gnanggipa ong·a. Ua re·ramrame roronga aro cha·anirangko name cha·ronggja. Chinga Garchuk Police Station-o badi ka·ahachim indiba da·ona kingkingba anga police-rangni name dakchakaniko man·kuja,” ine Nirananda Das kobor ra·timgiparangna parakataha.
Una agreba, sepangjolo donggipa old-age home-rangonikoba ua ma·gipako sandiaha aro uni noksa baksa phone number-rangko on·e lekka pal·takrangko tape donaha ine ua aganangaha.
“Angni ma·gipade angkosan u·iaia aro gipinrangkode u·ija. Angade namen jajrengengaha. Chinga dondikgija uko sandienga, indiba da·ona kingking uni mamung kobor dongkujaenga,” ine ua aganangaha.
Ua jolo songdonggipa Surajit Biswas-ba an·tangni jajrenganiko parakatenba, gimaenggipa buchumako uamangni gittimo nikrongachim ine aganaha.
“Ua gisikni gita an·sengja aro ua ia jolo asonge dongrongachim. Uni depante kam ka·na ong·katange re·bapilrongachim, aro ua sepangon dongrongachim. March 3 tariko, ua pringnin ong·katangaha aro re·bapiljaga. Chinga unsalo uko nika indiba uni ja·mano ua gimaaha. Police-rang namedake aganchakaniko on·kuja aro sing·sandianirangko daknaba re·baja,” ine Biswas matnanga gnang aganaha.
Uandake, Lakhi Das-ni gimaani bidingo maiba koborrang dongode u·iatchina nokdangni manderang jinmana mol·molaniko on·atenga.
Na·simang iakoba nina man·gen:
Na·simang iakoba poraina man·gen: March 25-oni Shillong-o Film Festival-ko ong•atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
