Dadenggre, July 11: Dadenggre-ni MLA Rupa M. Marak, jolo mobile network aro internet service-rang namjani a·sel sorkarini kamrang, lekka pora aro gipin jinmani nangchongmotgipa kamrango nangchakeako man·enga ine nangenba, internet service-rangko namate on·china ja-sana somoirangko on·ataha.
Rupa M. Marak-ni dilanio ong·atgipa tom·bimonganio SDO (Civil) In-Charge Rajkumar Hajong, BSNL, Reliance Jio aro Vodafone Idea (Vi)-ni official-rangba network namgijani neng·nikarangni gimin agan-golpogrikaniko dakna dongpae bakko ra·anggenchimoba, Airtel-onide tom·aniona sokbajaha.
Marak-ni aganani gitade, network-rang namjani a·sel MGNREGA-ni hajira on·aniko ru·utatan baksana, sorkarini kamrangko man·dikataha aro chatro chatrirangni poraianikoba nangchakeataha. Iani gisepon, ua pilak telecom company-rangkon uamangni network-rangko ja-sani gisepo tarie on·china u·iatan baksana Airtel-ko man·chape pilak telecom company-rangkon uamangni kamrangni gimin nipilaniko dakna changgipin tom·bimonganiko ong·atanio bakko ra·china ua u·iataha.
Bijoli-rang sirongan baksana fibre cable-rang nosto ong·ani a·sel network-rangko namatjaha ine Reliance Jio-ni official-rang aganangaha.
Uamangni aganani giatde, sub-division gimikon mobile network aro internet service-rangko namdapatna gita kamrangko ka·engaha. Dadenggre jolo network-rangko namatna gita official-rang aro telecom company-rangni apsan nangrime kamko ka·na gita ku·mongggrikani baksa ia tom·bimonganiko matchotataha.
Na·simang iakoba nina man·gen:
Na·simang iakoba poraina man·gen: Tripura-o dondikpilgija mikkarang jimbee waani a·sel sak 11,000 mangni gita manderangko Relief Camp-rangona apjitata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
