Tura, Jun 18: West Garo Hills a•jani Dalu Govt Higher Secondary skulna gital rikgipa nokko Budbar salo, Meghalaya a•dokni Chief Minister Conrad K Sangma, a•dokni Power Minister AT Mondal, PHE Minister Marcuise N Marak, Dalu-ni MLA Brening A Sangma, Chokpot MLA Sengchim Sangma aro Mahendraganj MLA Sanjay A. Sangma-ni dongpaanio nokdonggae on•angaha.
Ia gadanggni donggipa skul nokko, 2021 bilsio a•bachengatgipa scheme, Mission Education Phase I-ni ning•o rikaha aro ia skul nokko nokdonggae on•anganio a•dokni Chief Minister, jinmana aganprakatengon, chadamberangna, lekka pora, doka dam•ani, kal•susaani aro bading chiwalaniko man•chape pilakni gitan namroro silroroaniko ra•bana kam ka•enga ine parakangaha.
Lekka porako namdapatna gita sorkari, bang•en tangka paisarangko koros ka•enga ine janapatengon, a•doko dam 3000-na baten sorkari skulrangko namdapatna sorkari ja•kurangko de•aha ine Sangma aganaha.
Skulrango smart classroom-rangko aro technology-rangchi skie ra•aniko sorkari a•bachengataha ineba Chief Minister aganaha.
Captain Williamson Sangma State University-ko kuliani bidingo, gital college building-rangko rikani bidingo, kal•susaani aro doka dam•anirangna gong crore 1000 tangkarangko chamanichi chadamberangni changa sapanirangko namdapatna kam ka•ani bidingo aro 2027 bilsio a•doko sokachakna sienggipa National Games-ni giminba ia tom•anio Chief Minister aganangaha.
Una agreba, a•dokni chadamberangna aro bading chiwale cha•enggipa manderangna cholrangko on•na gita sorkarini ra•gatgipa MGMP, CM Elevate, PRIME aro uandakgipa program-rangni giminba ia tom•anio Sangma talatanirangko on•angaha.
Dalu-ona re•anganio ua dingtangmancha Immigration Check Point aro Daluo donggipa Balka chiringko kabatgipa dolong jean bilsi 2023-o chi dal•e nosto ong•gipako gital rikpilgipakoba kulie on•angjolaha.
Ia dolongko tangkagong Cr 11-ko jakkale rikaha.
Na·simang ia video-koba nina man·gen:
Na·simang iakoba poraina man·gen: Matchu sko donanio jak donggipa sak 30-ko Dhubri-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
