Shillong, Mar 24: UK a•songni mingsinggipa rock band Def Leppard, ia March jani gisepo India a•songo biap damgittamo gitrangko ring•e mesokangna sienga aro uamangni India tour-ko Budbar salo, Shillong songjinmani RBDSA Sports Complex-o a•bachengatna sienga.
Shillong-o Def Leppard-ni concert ba ring•salrako a•dokni mingsinggipa Trance Effect dolni git ring•anichi a•bachengatna sienga aro uni ja•man joljol Def Leppard dol, stage-ko ra•e, gitrangko ring•e mesokangna sienga.
Def Leppard dolni git ring•ako nina gita salgro salaram jol gimikonin Meghalaya a•dokni skotong songjinmaona re•batokengaha aro ia concert-ko nina gita Garo Hills-oniba bang•a manderangan Shillong-ona re•angtokaha.
Shillong-o git ring•e mesokangani ja•man Def Leppard dol, March-ni 27 tariko, Mumbai songjinmaona re•angskagen aro uano uamang Jio World Garden-o gitrangko ring•e mesokangskagen. Mumbai-ni Jio World Garden-o Def Leppard dolna, a•songo mingsinggipa Indus Creed, gitrangko ring•e do•ga oe on•angskagen.
Bon•kame Def Leppard dol, March-ni 29 tariko, Bengaluru songjinmani NICE Grounds-o gitrangko ring•e mesokangskagen aro ia concert-ko, Bengaluru songjinmani Thermal And A Quarter dol, a•bachengate on•angskagen.
Def Leppard dolni membor-rangara, Joe Elliott, Phil Collen, Rick Savage, Vivian Campbell aro Rick Allen ong•a aro uamangni mingsinggipa gitrangoni mitamranga, ‘Hysteria’, ‘Pour Some Sugar On Me’, ‘Love Bites’, ‘Animal’, ‘Have You Ever Needed Someone So Bad’ aro gipinrang ong•a.
Na·simang iakoba nina man·gen:
Na·simang iakoba poraina man·gen: World TB Day-ko maniani bak gita Jowai-o re•jomaniko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
