Shillong, Jun 21: Robibar salo, Union Defence Minister Rajnath Singh aro Meghalaya a·dokni Chief Minister Conrad K Sangma, Shillong songjinmani Eastern Air Command-o International Yoga Day-ko manianio bak ra·angpaaha aro ia salko maniani bak gita Indian Army-ni official-rang baksa yoga kal·anio bak ra·paaha.
Iani bidingo a·dokni Chief Minister Conrad K Sangma, kobor ra·timgiparangna talataniko on·angengon, International Yoga Day-ko manidilahani a·songni Prime Minister Narendra Modi-ko mittelpilangenba, Shillong-o ia salko manianio bak ra·paahanina Union Defence Minister-koba mittelpilangaha.
Yoga-ni namgnirangko janapangengon, ian mandeni be·en aro gisikko an·seng baljoke rakkina gita nambegipa ranta ka·ani ong·a ine Chief Minister aganenba, a·doko songdongenggipa manderangko, mongsongbate chadamberangko, salantian yoga-ko ranta ka·jringchina gita didiangaha.
Yoga Day-ko maniani ja·man a·dokni Chief Minister aro Defence Minister, Defence Ministry aro sipai dolrangni bakrimaniko nangenggipa dingtang dingtang project-rang, jekai Shillong Airport-ko dal·batatani, Shillong-oni Barik Point-ona ramako apalbatate tariani aro uandakgipa gipin project-rangni gimin chanchirimangaha.
India aro Bangladesh a·songni simao, Ranikor-oni Ratacherra-ona tarina miksongenggipa ramani bidingo chanchirimangengon, ia ramara, a·songko chel·chakani aro jolni namroro silroroanina namen nangchongmotgipa rama ong·enga ine Chief Minister, Defence Minister-na talate on·angaha.
Ranikor-oni Dalu-ona rama tariani kamrangko bak dake a·bachengmanaha ine janapatengon, Phulbari-Dhubri dolong ramaoni Silchar-chipaknaba ramako tarina a·bachengataha indiba Ratacherra-oni Ranikor-ona dakanggipa ramakosa tarikuja ine Chief Minister talate on·angaha.
Indake ong·engon, ia ramako tarina gita cholrangko nina Union Defence Minister Rajnath Singh, ku·rachakaniko on·angaha ineba Chief Minister parakataha.
Ia ramako tariani bidingo ua, Union Road Transport & Highways Minister Nitin Gadkari baksaba agangrikmanaha aro ia ramako tarianio ua Defence Ministry-ni dakchakaniko ra·china aganangaha ineba Chief Minister parakataha.
Na·simang iakoba nina man·gen:
Na·simang iakoba poraina man·gen: Jaintia Hills-o cr 59-ni ramako Finance Minister oprake on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
