Shillong, Jun 2: Mongolbar salo, Meghalaya a•dokni Chief Minister Conrad K Sangma, dingtang dingtang dolrang baksa an•tangni dongchakenggipa noko tom•enba, kam ka•e cha•ani cholrang, bading chiwalani, lekka pora aro uandakgipa dingtang dingtang kamrangni bidingo chanchirimangaha.
Chief Minister baksa tom•e chanchirimanggipa dolrang aro manderangoni mitamrangara, Synod Sepngi aro Mawphlang Presbytery, Holy Eucharist Church, Lou Majaw Foundation, Jowai-oni sol•a repani kamko ka•gipa Gilford Pde aro gipinrang ong•a.
Ia dolrang aro manderang, Chief Minister-ko grongengon, mondolini nanganirang, jatni program-rang, samtangtango ong•telaigiparang, an•saoatani program-rang aro uandakgipa kamrangni gimin chanchirimangenba, sorkarini dakchakanirangko bi•angtokaha.
Ia apsan salon a•dokni Chief Minister, Meghalaya ASHA Workers Union, All Meghalaya Grade IV Government Employees Association, Meghalaya Election Enumerators’ Service Association (MEESA) aro DIET-o skie ra•enggipa skigiparangkoba gronge, uamangni nanganirangko aro neng•nikanirangko knatime ra•aha.
Bosco Integrated Development Society-ni dilgiparangba a•dokni Chief Minister-ko gronge, society-ni jako ra•e ka•enggipa kamrangni gimin agan-talate on•angaha.
Una agreba a•dokni Chief Minister, Meghalaya Poultry Farmers and Welfare Association, All Khasi Hills A•chik Federation, Khasi Jaintia Government Contractors and Suppliers Association, Jaintia Hills Cement Manufacturers Association, Hynniewtrep Youth Development Council, aro Hynniewtrep Border Dispute Redressal Forum-koba gronge, dingtang dingtang kamrangni gimin agangrikangaha.
Ia dolrangko gronge agangrikengon, uamangni nangnikanirangko chu•sokate on•na cholrangko nigen aro neng•nikanirangko namatna kang•kare kae kam ka•gen ine Chief Minister ku•rachakaniko on•ataha.
Na·simang iakoba nina man·gen:
Na·simang iakoba poraina man·gen: Ampati-o sorkari official-rangna training-ko ong•atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
