Agartala, Jul 3: Tripura a•doko bangbang ong•e dongenggipa ge 52,000 sorkari kamrangko ta•raken gapatchina, Kokborok ku•sikko Constitution-ni Eighth Schedule-o chapatchina aro Tripura Tribal Areas Autonomous District Council (TTAADC)-na bilrangko on•dapchina dabie Sukrobar salo, Opposition dolni chadambe dol, Tribal Youth Federation (TYF), Agartala songjinmani Circuit House jolo jinma jingjengatanirangko dakangaha.
Ia jingjengatanio, TYF-ni bang•bea manderang, party-ni nisanrangko ra•e aro BJP sorkarini kosako jegalanirangko dake bak ra•angtokaha.
Ia jingjengataniko dakanio, Opposition dolni dilgipa Jitendra Chaudhury, TYF-ni general secretary Kumud Debbarma aro gipin dilgiparang aganprakangengon, a•dokni chadamberangna kamrangko tikate on•na man•jaenga aro Tribal-rangni namgnina niamrangko ra•gate on•jaenga ine BJP-chi dilenggipa Tripura sorkarini kosako jegalangtokaha.
Sorkarini kamrango manderangko seokanio, niamrangko ja•rikja aro ku•mitdu ra•a ineba TYF-ni dilgiparang, BJP-TIPRA Motha aro IPFT dolrangni nangrime rikenggipa sorkariko matnangtokaha.
Chadamberangni gisepo drugs ba pekatgipa samrangko jakkalanirang batroroengani giminba TYF-ni dilgiparang, a•dok sorkarini kosako jegalanirangko dakangaha aro Tripura a•doko drugs badingsrukaniko bilakbate champengchina gita dabiangaha.
Ia dabianirangko chu•sokate on•na sorkari maming ja•kurangko de•jagenchimode mikkangchi uamang bilakbate jingjengatanirangko dakanggen ineba TYF-ni dilgiparang, mikrakataniko on•angaha.
Na·simang iakoba nina man·gen:
Na·simang iakoba poraina man·gen: SWGH, skanggipa Cooperative Retail Outlet-ko man·chenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
