Shillong, Feb 26: Khliehriat West songni manderangni hospital sepango dongge aro paikana tank bretgiparangoni moilararagipa chirang sela baksana senggipa bibarang man·baanina badi ka·a jaman East Jaintia Hills-ni Khliehriat Civil Hospital-o jabolarigipa chini a·sel neng·nikanirangko u·ina man·aha.
Medical Superintendent Dr. A. Lakiang-na changni chang badi ka·omangba, mamingba ja·ku de·aniko dakjaha ine Khliehriat Circle-ni Jaintia National Council (JNC) u·iataha.
JNC-ni General Secretary Symboh Baiar Sumer, changni chang didianiko dakatgenchimoba changsaba re·bae niaba dongja aro taridapanirangkoba dakja ine ua janapataha.
February jani 25 tariko, Jaintia National Council (JNC) dol, District Medical and Health Officer Dr. D. Shylla-na badi ka·ani lekkako on·ataha. Ua badi ka·ani lekkako man·soa bakan JNC member-rang aro songni nokmarang baksa apsan re·ange nianiko ta·raken dakatchina u·iataha. Re·ange nianiko dakanio ia neng·nikaniara ta·raken ja·ku de·aniko dakna nanggipa ong·enga ine nikna man·aha.
Ia taridapanirangko ta·raken dakatgen ine Dr. Shylla u·iatengon, ta·rake ja·ku de·aniko dakja ong·ode uamang Health Department-na badi ka·aniko dakan baksana MHRC-ko grongenba, jinma jegalaniko dakanggen ine JNC mikrakataniko on·ataha.
Na·simang iakoba nina man·gen:
Na·simang iakoba poraina man·gen: COVID sajinmani ja•man M’laya-o GSDP-ni dal•roroani 10%-mang ong•a: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
