29.8 C
Tura
spot_img

Dolni gitcham sipairangko police-ni kal·stapaniko HNLC dol jegala

Must read

Shillong, Nov 23: Champengata man·gipa Hynniewtrep National Liberation Council (HNLC) bobil dol uamangni gitcham sipairangko dingtang dingtang dake kal·stape roarangchi dolona pil·bapilna draatenga ine a·dok police-ko matnangaha.

Meghalaya a·dokna Inner Line Permit (ILP)ko ra·gataniko nangnikpaenggipa bang·a chadamberangba da·o bobil dolo katnapetokaha ineba uamang a·kangataha.

Iani bidingo Robibar salo koborna seachi u·iatanggipao, bobil dolni gitcham sipai Junel Tongper, uni adita sak ripengskarang baksa mijamangmango dolona pil·bapilaha ine HNLC bobil dolni general secretary cum publicity secretary, Sainkupar Nongtraw janapataha.

Tongper-ko changgni mancha rim·aha ine janapatengon, uni dongenggipa nokoniko sandirikkitataniko dakanganichi aro nangani somaio uko police station-o mikkang pa·echina agananirangchi changni-chang police department uamangni sipai gitchamko kal·stape roaha ine Nongtraw agan-matnangaha.

“Rim·ako man·ani ja·manon ua (Tongper) chingni council baksa mamingchiba bak nangarang dongjahachim, indiba police-ni uko changni-chang chakna ampilgija kal·stape roanirangchi uko doltangona pil·bapilna gita draataha,” ineba HNLCni dilgipa aganaha.

“Police department-ni iandakgipa kamrangchin, chakna amgijagipa gitcham sipairangko uamangni watanggimin dolona pil·bapilatna gita draatenganichi chingni council-ko mangrakdapata gita ong·pilskaienga. ILP-na chakgipa bang·a chadamberangba da·o chingna jak on·etokaha,” ine ua janapatajolaha.

spot_img

More articles

spot_img
-->

Latest article