26.3 C
Tura
spot_img

Donnugimin mal gamna detangtangko boli on·gniko Assamni Sibsagar districto naljokata

Must read

Guwahati, Nov 16: Donnugimin mal gam ko man·na miksonganio Assam a·dokni Sibsagar districto detangtangko manggittang boli on·na am·gipa sakbri-ko joltangni manderang policena pakwate bi·sarangko naljokataha.

Police ja·pangoni u·iatani gitade Guwahatini Salaramchipak km 370 mang chel·aogipa Sibsagar districtoni km 10 mang chel·ao donggipa Dimowmukh songo adasa sakgni Jamiur Hussain aro Sariful Hussain joltangni montol dakgipa jekon uamang Bez ine agana, uni ge·etanio pangchake boli on·na am·mitingko songni manderang naljokataha.

Uamang adasa an·tangtangni dedrang sak gittam gittamko donnuenba namgijagipa kamko ka·na am·mitingko nikdikenba salsektokaha.

Sibsagarni Police Offical saksani aganani gitade Sibsagar jilla oni km 45 mang chel·aogipa Sonari songni bez uamang adasako an·tangtangni dedrangko manggittang boli on·ode uamangni nok sepango donggipa te·gatchu ja·pangoniko donnue dape dongipa bang·a sona-ko man·gen ine mikbokataha.

Uamangni miksonganirangko u·ian ja·mano songni manderang ua adasako uamangni jikdrang dedrang baksa Sivsagar Sardar Police Stationona rimangaha.

Mandeko boli on·na am·enga ine aganirangna chinga maming sakki aro see jote on·anikode man·sokjaha indiba uamang nokdangni naljokanina da·o namen niroke dongenga aro sandirikitanikoba a·bachengataha. Songni manderangni agananirang kakket ong·ama ong·ja uko name sandianggen ine Sivsagar-ni Additional SP Pa. Jayanta Sharati Bora kobor segiparangna aganaha.

Dingtang dingtang sa biati rangko man·e dongenggipa chingni chonbatgipa degipako ja sa rangna skang Sonario donggipa montol dakgipaona rimange sannanirangkosan dakaiachim indiba chingni ua biaponi re·bapila intalan songni manderang chingko ong·gija aganna a·bachengaha ine nokdangni manderang aganskaaha. Kakketgipa kattakode montol dakgipasa u·igen ineba uko sing·sandina Police dol am·sandiangengaha ineba Pa. Bora aganaha.

Assam a·doko indakgipa obosta ong·ani ian skanggipa ong·ja. 2013 bilsio pagipa saksa an·tangni bilsi 13 ong·gipa depanteko manggittang boli on·ahachim. Re·anggipa bilsioba bi·sa saksako nokni manderangni boli on·na am·mitingko Udalguri districtoniko naljookataha.

spot_img

More articles

spot_img
-->

Latest article