Shillong, Nov 27: Mongolbar salo, Meghalaya a•dokni Chief Minister Conrad K Sangma, East Garo Hills a•jani dingtang dingtang rama jal•langrang, chong•motan Nengmandalgre-oni Daribokgre (Mandalgre) ramaona kilometer 35 ong•gipa rama, Cherangre-oni Sisobibra (Nengmandalgre-oni Gitokgre) ramaona km 7.820 ong•gipa rama, Rongon chiringni kosako metre 51.68 ong•e kabatgipa jal•lang aro Rongre chiring kosako metre 51.68 ong•e kabatgipa jal•langko Nengmandalgre songo dingtangmancha program-ko ong•atanio oprake on•angaha.

Ia rama jal•langrangko oprake on•na gita program-ko ong•atanio, a•dokni Deputy Chief Minister Prestone Tynsong, PHE Minister aro Williamnagar-ni MLA Marcuise N Marak, Tura-ni MP Agatha K Sangma aro gipin dilgiparangba dongpae bak ra•angaha.

Ia tom•bimonganio a•dokni Chief Minister, jinmana aganprakangengon, rama jal•lang gride maming dakeba namroro silroroani sokbana man•jawa, uni gimin ia rama jal•langrangara ia jolrangna namen nangchongmotgipa ong•a ine parakangaha.

Ma•mong sorkarini PMGSY scheme-ni ning•o ga•akgipa ramarangko tarina cholrangko on•ahani gimin Tura-ni MP Agatha K Sangma-ko mittelpilangengon, PMGSY-ni kamrangko chu•sokatanio Meghalaya a•dokba nambatgipa a•dokrangoni damsa ong•enga ine Chief Minister parakataha.

Sorkarini mongsonggipa mingbonga program-rangni gimin janapatengon, ian a•doko songdongenggipa manderang pilaknan rama jal•lang, bijoli, nok-jam, u•iatani aro chirangko on•anian ong•enga ine Chief Minister parakataha.

2023-2024 bilsini gisepo PMAY scheme-ni ning•o te 1500 nokrangna gong kror 1600 tangkarangko chamataha ineba ua iana Tura-ni MP-ko mittelpilangaha.

Iana skang, a•dokni Deputy Chief Minister Prestone Tynsong-ba jinmana aganprakangengon, ia rama jal•langrangko tarie on•anichi ia jolni manderangna pilakni gitan namroro silroroaniko ra•baani gita ong•gnok ine parakangaha.

PMGSY-ni ning•o km 1200 ramarangko a•dokni dingtang dingtang biaprango tarigen ineba ia tom•anio Tynsong parakataha.

Jakopgre-oni Nengmandalgre ramaona Rongre chiringni kosako kabatgipa dolongna gimik gong lak 176.969 tangkarangko chamahachim aro Jakopgre-oni Nengmandalgre ramaona Rongon chiringni kosako kabatgipa dolongko rikna gita gong lak 151.140 tangkarangko chamskaahachim.

Iakoba poraie nina man·gen: Assam-o UTLA bobil dolni mande saksako rim·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub