Guwahati, May 18: 2025 bilsini May 17 tariko, Guwahati, Taj-ni Hotel Vivanta-o Education Excellence Conclave-North East-ko Ek Updesh Media ong·atangaha, jeon skulni dilgiparang, sorkarini official-rang aro lekka pora skiani bidingo name u·i-ma·sigipa dolrang Salgro Salaram jolo aro India a·song gimiko maikai lekka pora skie ra·aniko namdapatna gita man·gen uni gimin chanchirimaniko dakna tom·batokaha. Ia tom·bimonganio mongsonggipa niksengbatataniara Rabindranath Tagore National Award-rang ong·a, jean pora bidaniko on·ani a·bao uamangni nambegipa kamrangna skigiparang aro principal-rangko mande ra·na on·gipa award ong·a.
Holi Child-ni Vasavvi Acharya, lekka pora skie on·anio jinma ku·cholsan kam ka·an baksana digital bosturangko jakkalani aro chatro chatrirangna chasong gitalni bewalo skie ra·anirangko on·a nangchongmotani gimin aganangaha. Ia tom·bimonganiko ong·atgipa, Gagandeep Singh, ian saksa sakgipin baksa susagrikani ong·ja indiba saksa sakgipinoniko skie ra·ani tom·bimonganisa ine u·iatangaha. Uasan ong·aigija, ia tom·bimonganio bak ra·gipa ge 350 skulrangoni, Rabindranath Tagore National Award-rangna on·gipa 900 bimungrangoni ge 50 skulrang chegipa ong·aha ineba ua janapataha.
Rabindranath Tagore National Award-rangko man·giparangoni Nokrek Heights School-ni Principal, Ma Nengse Marak, ia tom·bimonganiko ong·atgipa dolrangko mitelan baksana uni man·a dipet chatro chatrirangni namroro silroroanina dakchakaniko on·ani bidingo ua janapangaha. Chel·bea biaprango kam ka·e cha·na gita changa sapaniko nangchongmotani gimin Dalu Scared Heart Higher Secondary School-ni Principal, Fr. Biju Paul aganangskaaha. Kaziranga English Academy-ni Principal, Tanuja Jha, ia tom·bimonganiko ong·ataniara una gital chanchibewalanirangko mesoke on·an baksana ian didiatanirangkoba on·ani ong·aha ine ua parakataha.
Ia conclave ong·atgipako lekka pora bidani gimin u·i-masigiparangni agan-golpogrikanirang, jinma chanchibewalanirang baksana lekka pora skie ra·anina gital bosturang aro chanchibewalanirangko mesokanichi bon·ataha. Ian an·tangtangni u·i-ma·sianirangko saksa sakgipin baksa u·iate on·an baksana lekka pora skie ra·aniko nambatatna apsan kam ka·na nambegipa biapba ong·a.
Na·simang ia video-koba nina man·gen:
Na·simang iakoba poraina man·gen: India-ni sipai dolrangna chakpaaniko mesokna Tura-oba Tiranga Rally-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
