Shillong, Aug 31: Meghalaya a•doko employment policy-ko ra•gatchina aro private company-rango 80 percent kamko joltangni manderangna on•china dabie Bristibar salo, Hynniewtrep National Youth Movement (HNYM) dol, Mot U Kiang Nangbah point-oni Jaiaw-ona ong•atangaha.

Jinma re•jomaniko dakna skang, HNYM-ni membor-rang, Shillong Civil Hospital sambao donggipa Mot U Kiang Nangbah-o jinma asonge jingjengataniko dakangchengaha.
Iani ja•mano, Mot U Kiang Nangbah point-oni a•bachenge, Lum Survey-Umsohsun aro Motphran gita jinma re•jomange Jaiaw-o matchotataha.

HNYM-ni president Louis Dohtdong-ni kobor ra•timgiparangna parakatani gitade, a•doko employment policy-ko ra•gatchina gita uamang 2022 bilsini July jaonin dabiengahachim aro Meghalaya a•doko private sector unit (PSU)-rang bang•en donggenchimoba a•dokni chadamberang, ia company-rango kamrangko ka•e cha•na cholrangko man•tokjaengachim.

Haryana, Mumbai, Punjab aro uandakgipa gipin a•dokrangode kamrangko ka•e cha•anio neng•nikanirang dongjana gita private company-rangon 70 ba 80 percent kamrangkode joltangni manderangna dona indiba Meghalaya a•dokode iandake private company-rango joltangni manderangna biaprangko on•jaengani a•sel chadamberang, kamrangko ka•e cha•na cholrang dongjaenga ine HNYM-ni president parakataha.

Indake ong•engon, iani bidingo uamang September-ni 4 tariko a•dokni Chief Minister Conrad K Sangma baksa tom•e agangrikanggen ineba Dohtdong parakataha.

Iakoba poraie nina man·gen: BSF aro CRPF sipairangni jakgitoko rakhi-rangko kaachi, me·chikrang Raksha Bandhan-ko manianga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub