Shillong, Feb 12: Eastern West Khasi Hills a·jani Nongthymmai songni chadambe saksako so·otenba uni be·enni bakrangko den·chemcheme sepangjolo donggipa chiringo galaha aro ia so·otanio jak donga ine chanchichipenba sakgittam manderangko Mairang Police rim·aha aro uamangoni sakgni de sianggipa mandeni mamatangrang ong·achim.
Ia so·ota man·gipa mandeara Kerang Sawkmie ong·achim. Ua February 6 tariko kam ka·na inenba sepangjolo donggipa buringona re·angaha aro unonin noktangona re·bapiljaha. Indake, uni nokona sokbapiljani gimin nokdangni manderang uko sandiaha aro sandio man·jahani gimin Mairang Police Station-o February 9 tariko FIR-ko ka·angaha.
Nokdangni manderangni aganani gitade, sianggipa mandeni mamatang sakgni aro uamangni ripengska saksako Police-rang rim·aha aro dos dakgipa manderangko sing·sandianiko dakani ja·man uamang an·tangtangni ka·gimin kamko parakaha aro uni manggisiko den·chemcheme Nongthymmai songni ning·tugipa songo donggipa chiringo galaha ine ku·rachakangaha.
February 10 tariko, a·sel ong·chakgipa biapona Police-rang re·angenba am·sandianiko dakangaha aro Forensic Crime Scene Unit-ban ua biapona re·ange sandianiko dakangaha. Indake, Search and Rescue Team (SRT)-ni personnel-rangni am·sandianiko dakanio buring ning·tigipao donggipa chiringoniko manggisini adita bakrangko man·aha.
Indake ong·genchimoba mitam bakrangko man·kujaengani gimin Search and Rescue Team am·sandianiko dakengkua.
Na·simang iakoba nina man·gen:
Na·simang iakoba poraina man·gen: M’laya sorkari, Tura-o Holiday Inn Resort-ko tarina a·ako pakwata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
