Tura, Oct 21: College of Teacher Education (CTE), Rongkhon, Tura, Felicitation and Graduation Ceremony 2025-ko Sombar salo sokachakaha jeon, 2019-2025 batch-o poraianggipa chatro chatrirangko aro ia bilsio matchotgipa chatro chatrirangko mande ra·pilskaaniko dakangaha.
Ia tom·anio, Meghalaya Legislative Assembly-ni Speaker Thomas A Sangma mongsonggipa sokgipa ong·e bak ra·angaha aro unbaksana Don Bosco College of Teacher Education, Tura-ni Principal Fr. (Dr.) Piuse Varghese, SDB, CTE, Rongkhon-ni Principal Dr. Meena A. Sangma, skigiparang aro ia college-o poraiange chu·sokanggipa gitcham chatro chatrirangba dongpae bak ra·angaha.
Tom·aniko National Anthem ba a·songna ring·mitelaniko ring·achi aro sastro poraienba Isolo bi·achi a·bachengangaha.
CTE IQAC Co-ordinator Madam Dr. Silse D. Marak rimchaksoani kattarangko agane, tom·anio bak ra·gipa pilaknan nama skaniko on·angaha.
Thomas A Sangma jinmana aganprakengon, College-ko name chalaian baksa chatro chatrirangni gisikni gita dal·roroanio, gisik nangatanio aro dingtangatanio bimchipe dangdike on·enganina mitelpilskaangaha aro CTE-o gisik nange bimchipe songsalna dangdike on·a an·tangtangko on·kange skie ra·enganinaba chatro chatrirangkoba de·mitele aganaha.
Iandake gisiko nanganiko, dangdike on·enganiko aro skie ra·anio bimchipe dakenganiko dontongjachina batesa rakbate kamko ka·angchinaba ua graduate ong·anggipa chatro chatrirangkoba didiataha.
Indake 2019-2025 batch-o poraianggipa chatro chatrirangna mongsongbate ia program-ko ong·ataha aro unbaksana, 2025 bilsio poraia matchotanggipa chatro chatrirangna provisional certificate aro memento-rangkoba ia tom·anio suale on·angjolaha.
Unbaksana, CTE College Magazine 2025-koba ia tom·anio oprake mesokangjolaha.
Iarangna agreba, ia tom·anio da·o poraienggipa chatro chatrirang aro poraianggimin chatro chatrirangni dingtang dingtang gitrangko ring·ani aro chrokmesaanikoba nikangna man·aha.
Na·simang iakoba nina man·gen:
Na·simang iakoba poraina man·gen: Nongalbibra-o gital rikgipa St Francis De Sales School nokko nokdonggaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
