Shillong, Aug 5: Salgro salaram jolo aro a•song gimikon Meghalaya a•dokko floriculture hub ba pulrangko ge•anio mongsonggipa biap ong•atna gita a•dok sorkari, Floriculture Mission 1.0-ni ning•o gong crore 240 tangkarangko bilsi gittamna chamataha ine Mongolbar salo, Meghalaya a•dokni Chief Minister Conrad K Sangma parakataha.
East Khasi Hills a•jani Mawkriah songona a•dokni Agriculture Minister Ampareen Lyngdoh aro MLA Ronnie V Lyngdoh baksa re•anganio, songni manderangna aganprakengon, Floriculture Mission-ni ning•o pul ge•anirangko nambatatna aro manderangna janggi tangani cholrangko on•na gita sorkari miksongenga ine Chief Minister aganaha.
Ia Floriculture Mission-ko lak 7 subsidy-ko on•anichi a•doko sak 3000-na baten pul bagan dakenggipa manderangni namgnina 2024 bilsini March jao a•dok sorkari a•bachengataha aro da•o dipet sak 500-mangni gita pul bagan dakenggipa manderang, ia program-ni namgniko man•aha.
Ia Floriculture Mission-ni bidingo talataniko on•angkuengon, pul ge•anio tangka paisarangko bang•bate chamgipa sorkaride Meghalaya sorkarian ong•a ine Chief Minister aganenba, re•baenggipa bilsirango ia mission-chi gong crore 600-mangni gita laprangko man•skana sorkari ka•dongenga ine parakataha.
Ia mission-ko nambate chu•sokatna sorkari, Darjeeling Gardens aro North Bengal Floritech company-rangko ra•aha aro ia company-rangan, a•doko pul bagan dakgiparangna dingtang dingtang dakna nanggni kamrangko skie on•skagen ineba Chief Minister aganaha.
Meghalaya a•doko game ge•e cha•giparangna pilak nanga dakchakanirangko on•na gita CM-ni Farm Plus, CM-Assure aro uandakgipa gipin program-rangko apsan chapdimenga ineba Chief Minister parakataha.
Na·simang iakoba nina man·gen:
Na·simang iakoba poraina man·gen: 3rd WGH District Badminton Championship 2025 a·bachengnasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
