Tura, Nov 15: A·doko game-ge·e cha·enggipa nokdangrangna bang·a namgnirangko on·enggipa programme-ko apalbatatna gita a·dok sorkarini ra·badapgipa Focus plus-oni bang·a dakchakanirangko ra·na gita re·baenggipa December 4 tarikna skangan bimingtangko segattokchina gita a·dokni skotong minister Pa Conrad K. Sangma, Mongolbar salo North Garo Hills a·jani ning·o donggipa A·dokgre songo tom·aniko ong·atgipao bakko ra·emitingo game-ge·e cha·enggiparangko didiangaha.
In the New Adokgre C&RD Block 2387 individual producers received funds totaling ₹23.87 Lakhs under FOCUS+ scheme, an extension of Meghalaya biggest welfare scheme for farmers ‘FOCUS’@nstomar @AgriGoI pic.twitter.com/BOPjc1oqhp
— Conrad Sangma (@SangmaConrad) November 15, 2022
Skotong minister-ni aganani gita, Focus scheme-ni chu·sokengani gimin a·dok sorkari Focus plus-ko a·bachengataha, aro iako ra·baanichi Producers Group-ni bimango farmers collective-ko bikotgipa lak 4.5 mang game-ge·e cha·enggiparang ia Focus plus-oniko bang·a dakchakanirangko man·tokaha.
A·dokgre songo tom·anio bakko ra·e Focus plus card-rangko manderangna suale on·anganio skotong ministerni jinmana aganprakatengon, Focus plus-oniko namgniko man·gnigiparangna tangka-paisarangko biming segatani somoio skanggipa gong hajal 1000-ko aro gnigipao gong hajal 4000-ko changgni dake on·anggen ine parakataha.
Gnigipao on·gnigipa tangka-paisarangko game cha·giprangna on·na gita sorkari dal·e tom·aniko ong·atanggen aro ua somoio lakni lak a·dokoni game-ge·e cha·enggiparang ua tangkarangko ra·chakanggen ineba skotong minister u·iatangaha.
