Jalukbari, Sept 4: Forest Frontline Staff-rangna GPS, GIS aro Spatial Data Analysis-ni bidingo, Jalukbari-ni Assam Forest School-o salbrina ong·atgipa training budbar salo matchotangaha. Ia “Field to Map” program-ko Balipara Foundation, Assam-ni Environment, Forest and Climate Change Department-ni ning·o Assam Forest School baksa nangrime ong·atangaha.
Dibru-Saikhowa National Park, Dhansiri, Hailakandi aro Doom Dooma-ko man·chape Forest Division-ni dingtang dingtang staff-rangna GPS-rangko jakkalani, ramarangko chin ka·ani, biaprangko toani baksana digital tool-rang jekai Google Earth, Mapillary, NoteCam aro GPS Essential-rang baksa maikai kam ka·na nangachim uarangni gimin skie on·angaha. Uasan ong·aigija uamang buring bolgrimrangko ripingna gita Global Forest Watch aro QGIS software-rangko maikai jakkalna nangachim uarangni gimin skie on·aniko dakangaha.
Ia program-ko ong·atani bon·kamgipa salo, Assam Forest School-ni Director, Dimpi Bora, IFS, Frontline Forest Staff-rangna ia GIS aro GPS-rangara skie ra·na nangchongmotgipa ong·a ine aganengon, ia jaktangchi dake niani training-ko ong·ataninaba ua de·mitelaniko dakangaha.
Ia tom·bimonganiko jinma chanchirimani baksana certificate-rangko on·achi matchotataha. Ian Balipara Foundation-ni Eastern Himalaya jolrango jinma nangrime buring bolgrimrangko rakkiani baksa samtangtango donggipa ong·telaigiparang baksa nangdimatna miksonganina chakpaaniko on·ani ong·a ine tom·bimonganiko ong·atgiparang aganangaha.
Na·simang iakoba nina man·gen:
Na·simang iakoba poraina man·gen: Arunachal Pradesh-o mikkarang jimbee waanichi a·arang rua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
