Tura, Apr 20: Game ge•e cha•enggipa manderangni janggi tanganiko mangrakbatatna aro game ge•e man•aniko tang•doatna gita Agriculture aro Horticulture department ge•gnini chaprimgimin scheme-rangko Sombar salo, Meghalaya a•dokni Chief Minister a•bachengate on•angaha.
Ia scheme-rangko a•bachengatna gita Agriculture & Farmers Welfare Department, Horticulture Directorate baksa nangrime Sombar salo, Tura-ni SMELC Building-o ong•atangaha.
Ia tom•aniko ong•atanio a•dokni Chief Minister, jinmana aganprakangengon, game ge•e cha•giparangni man•gniko bariatna gita sorkarini ku•rachakaniko gisik ra•atpiltaienba, Meghalaya a•doko songdongenggipa nokdangrangoni 70 percent-na baten game ge•e cha•anio pangchakgiparangsa ong•ani gimin gama ge•ani kamrangan a•dokna man•dapaniko ra•baanio mongsonggipa bak ong•a ine parakataha.
A•doko game ge•e cha•giparangko aro self help group-rangko dakchakna gita sorkari, dingtang dingtang scheme-rangko aro program-rangko ra•gate on•enga ineba Chief Minister parakataha.
Namgipa bitchilrangko somoi gita man•jaenganian game ge•e cha•giparangni rakbatsranggipa ra•biani ong•enga ine janapatengon, ia neng•nikaniko chel•chakna gita sorkari, mission mode-o kamko ka•enga ine Sangma aganaha.
Ginger Mission-ni gimin janapangengon, 2022 bilsionin ia Mission-na sorkari crore 62-na baten tangka paisarangko chame on•aha aro ia Mission-chi game ge•e cha•giparang sak 19,000-na baten namgnirangko man•aha ine Chief Minister aganenba, ia program-ko sak 15,000 game ge•e cha•giparangba namgniko man•dapchina gita sorkari ra•dodapangkugen ine ku•rachakaniko on•angaha.
Ia program-ko ong•atanio dongpae jinmana aganprakanggipa gipin manderangara, West Garo Hills a•jani Deputy Commissioner in-charge Mary Lisa K Marak, West Garo Hills-ni District Horticulture Officer T Ch Marak aro gipinrang ong•a.
Na·simang iakoba nina man·gen:
Na·simang iakoba poraina man·gen: Skigiparangna dormahako bimang ong•ate tarianina CM-ko mittelpilskaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
