Tura, Dec 6: Garo Hills-o bilsianti ong·atrongbaenggipa Me·gong Festival-ko dingtang dingtang an·saoatani program-rangchi ga·subee a·bachengataha. Ia manianiko Skotong Minister Conrad K. Sangma-ni jakchi a·bachengate on·angaha jeon git ring·anina mingsing minggamako man·gipa manderang jekai Richard Marx baksana Zubeen sagina on·kange gitko ring·gipa Neeti Mohan, Julian Marley aro Nuclea-ko man·chape dingtang git ring·na sapbegiparangba Aski Stage-o git ring·aniko dakangaha.
Meghalaya a·doko songdonggipa git ring·na sapbegipa dolrang jekai Haystack Ladies, Strum Stories, Ahaia aro CM-MGMP-ni final-ona dogipa sak 7 artist-rangba git ring·mesokanikoniko dakangaha. Git ring·anio nadobaenggipa Jakrima R Marak ingipa chadambe saksa, jolo git ring·na gisiko nanggiparangna dakchakaniko on·anina CM-MGMP-ko de·mitelataha.
Ia manianio, Great Garo Hills Cook Off-ko ong·ate A·chikrangni cha·rongbewal cha·anirangko mesokani bak gita song·susaa chansusaanikoba ong·atangaha, jekon Master Chef-o su·saanio 2-gipa biapko man·gipa Nambie Jessica Marak susaanio nambatgiparangko seokaniko dake, ma·gitcham pagitcham aro chasong gitalni bewalo song·a chananiko brine song·a chanani bewalrangko namnikangaha.
Git ring·ani ba doka dam·anirangna agreba, ia manianiona re·bagiparang dingtang dingtang an·saotani ba nika nianirang ba kal·susaanirang jekai Anding oka, VR Zones, PRIME Meghalaya-ni jaktangchi tarigipa bosturangko pala sim·ani aro Brew Village-rangchi an·sengataniko man·aha.
Ia maniani skanggipa salko an·saobegipa program-rangchi matchotatani gisepon, ia maniani 2-gipa salo mingsinggipa git ring·gipa dol jekai Blue, Yellow Claw, Kanika Kapoor, Prateek Kuhad baksana dingtang git ring·na sapbegipa baksana Cosplay contest ba su·saanikoba ong·atanggen. Ia Me·gong Festival-ara, India-o jatni manianirangoni ge·sa namen an·saobegipa aro dal·begipa maniani ong·baenga, jeon gipin a·songni songrebagiparang, jolni git ring·na sabegiparang aro dingtang dingtang dakbewal rikbewalrangko ja·rikgipa A·chik jatrangko apsan tom·batokna dakchaka.
Na·simang iakoba nina man·gen:
Na·simang iakoba poraina man·gen: CCTOA, Home Minister Amit Shah aro Assam CM baksa dolgittam gronge chanchirimanirangko dakna dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
