Guwahati, Dec 6: Eastern Command, Indian Army-ni a·bri dogipa dol, darangni doe nikkugijagipa Arunachal Pradesh-ni chubatgipa a·bri Mount Kangto-ona doangchenggiparang ong·e itihas-ko rikangaha jeni chuanin 7,042 m mang ong·achim. Uamang a·brini ku·chotona namen neng·begipa Southern route ba
salgipeng rama gita re·angaha. Ia Mount Kangto-koara bang·bata somoion Kameng Himalaya-ni “guardian” ineba agantoka.
Eastern Command-ni Army Commander Lt. Gen R. C Tiwari, a·bri doanggiparangko officially rimchaksoaniko dakan baksana uamangni ka·donganina ra·doe aganangaha. 2025 bilsini November 3 tariko, Gajraj Corps-ni General Officer Commanding-chi a·bachengate on·a jaman sak 18 donggipa uamangni dol re·chakataniko a·bachengataha.
Uamangni a·bri doani somoio uamang bang·a neng·nikanirang jekai sin·gekani, rang·sitgipa balwa komiani, pa·begipa tin·kagimin surirang, dal·dalgipa tin·kagimin surirangni a·kuangrang baksana ga·nanggijagipa tin·kagimin surini darerangko re·na nangenba bang·a neng·nikanirangko chagrongna nangao ga·akaha. Iani gisepon, uamangni chu·sokaniara Indian Army-ni niamrangko name ja·rikani, jinma apsan ku·mongani aro ka·donganiko mesoka.
Ia itihas-ko rikgipa a·bri doaniara Eastern Himalaya-ko mande ra·an baksana Indian Army-ni on·kange kamko ka·ani, rakbegipa ra·bianirangko ra·chakani aro bil ama dipet kamrangko ka·aniko mesoka.
Na·simang iakoba nina man·gen:
Na·simang iakoba poraina man·gen: Garo Hills-o 2025 bilsini Me·gong Festival-ko ga·subee a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
