Aizawl, Dec 6: Northeast Frontier Railway (NRF), Bairabi gita tarina miksongenggipa Silchar-Sairang railway line-ko a•bachengataniko ra•chakaha. Skotong Minister-ni OSD aro Divisional Railway Users’ Consultative Committee-ni (DRUCC) Mizoram-ni representative Jonatham Laremruata, Sukrobar salo Lumding-o tom•ani somoio ia koborko parakataha.
Da•o ong•enggipa Parliament session-ni matchotani ja•mano Union Railway Minister Ashwini Vaishnaw aro a•dokni skotong minister Lalduhoma ia project-ko video conference gita oprake on•aniko dakanggen.
Una agreba, Sairang line-ko Thenzawl gita Hmawngbuchhuah-ona tariangnaba tik ka•aha. Da•o rel ramarangko salanirangko dakenga aro uni ja•mano Detailed Project Report-ko (DPR) tarigen.
A•doko tourism-ko namdapatna ine, Vistadome coach-ko wate nichengna ine chanchianirangko dakenga, jean songregiparangna Mizoram-ni nitogipa biaprangko nikna cholko on•gen.
Uandake, Inner Line Permit-ko (ILP) IRCTC baksa nangdimatgen. Sairang-ona re•angenggipa rel-rango QR code-rangko on•gen jekon songregiparang jakkale ILP registration-ko matchotatna man•gen.
Aizawl-o Passenger Reservation System (PRS) counter aro parcel service-rangko a•bachengatani cholrangkoba NFR sandianirangko dakenga. Bosturangko salruraanina Sairang-o warehouse ba donchakaniko rikna biapko basegen, jekon sorkari ba gipin private dolrang bilsi 35-na para ra•gen.
Dingtang dingtang nanggipa biaprang jekai medchant room, labour room, paikanarang, bosturangni office aro neng•takani biaprangko re•baenggipa ja gni ba ja gittamrangni gisepo matchotna ka•dongsoenga.
Na·simang iakoba nina man·gen:
Na·simang iakoba poraina man·gen: Itihas-o skanggipa changna Indian Army, Mount Kangto-ona doanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
