Tura, Sep 24: Garo Hills Autonomous District Council (GHADC)-ni 2024 bilsio pass ka•e watatgipa Garo Customary Law (GCL) Codification Bill-ko nipilna gita Meghalaya a•dokni Governor, GHADC-na watatpilaha ine GHADC-ni Deputy Chief Executive Membor (Dy CEM) Nikman Ch Marak parakataha.
Marak-ni kobor ra•timgiparangna aganani gitade, ia GCL Bill-ko Supreme Court-ni dongimin niamrango pangchake taripilchina gita a•dokni Governor watatpilaha aro da•o ia Bill-ko nipilanio ia GCL-na dongimin committee, MDC-rang, dingtang dingtang dolrang, skigiparang, chatro chatrirang aro Garo Hills-o songdongenggipa manderangni agan-ku•pattianirangko ra•e taridaptaina miksongenga.
“Ia GCL Bill-ni adita bakrangko nipiltaina gita a•dokni Governor, GHADC-ona watatpilaha aro da•o ia Bill-ko dongimin committee, re•baenggipa October 13 tarikona kingking dingtang dingtang dolrangni aro manderangni agan-ku•pattie on•anirangko ra•e taridapenba pass ka•e Governor-ona ra•chakchina watattaigen,” ine Marak aganaha.
Deputy CEM-ni parakatani gitade, Mongolbar salo ia GCL-ko tarina dongimin committee, GHADC-ni MDC-rang aro uni ja•man Garo Hills-ni dingtang dingtang dolrang baksaba tom•e, ia GCL Bill-ko taridapna nangengani gimin u•iataha aro October 13 tarik ba una skang, an•tangtangni ku•pattianirangko on•china gita didiataha.
“Dingtang dingtang dolrangni agan-ku•pattianirango pangchake October-ni 13 tariko ia committee, GCL Bill-ko nipiltaigen. Ua somoio taridapna nanganirangko committee taridapgen aro taridapna nanggijarangkode apsan daken done pass ka•enba Governor-na watatpilgen,” ine Marak aganaha.
Ia GCL Codification Bill-ko Governor-ni watatpiltaiahani gimin Association of Democracy & Empowerment (ADE)-ni president Dalseng Bira Ch Momin, an•tangni suk ong•gijaniko parakatskaengon, “Ia Bill-ni chapter 1-o seani, chong•motan ‘gipin jat ma•gipa ba pagipaoni atchigipa dedrangrang, A•chik ma•gipa ba pagipani ma•chongko ra•genchimoba uade A•chik ong•na man•jawa’ ingipa kattarangkon changni chang jegale watatpilenganiara ra•chakna man•gijani ong•enga,” ine janapatenba, skanggipa A•chikrangni daka rikanirangko a•songni niam bidikon see rakkichengna nangenga ine didianiko on•angaha.
Antigittamni gisepo uamang Governor-ni watatpilgipa Bill-ko poraitaienba, ia committee-na nanga gita ku•pattianirangko on•anggen ineba Momin aganaha.
Apsan daken Garo Students Union (GSU)-ni president Zikku Balgra Marak-ba ia GCL Codification Bill-ko Governor-ni watpilattaiahani gimin an•tangni suk ong•gijaniko parakatenba, iade A•chikrangni daka rikani ba niamrangsa ong•ani gimin Governor-de gipin jat ong•e name ma•sipajawa aro iako A•chikrangni niam retirangko ma•sigipa a•dok sorkarini dilgiparangsa watatpilahakon ine an•tangni chanchichipenganiko parakataha.
October 13 tarikni gisepo uamangba ia GCL Codification Bill-ko nipiltaienba, nanga gita ku•pattianirangko on•anggen ineba GSU president parakataha.
Na·simang iakoba nina man·gen:
Na·simang iakoba poraina man·gen: Assam sorkari Syamkanu Mahanta-ko mamung manianirangko ong·atna champenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
