Tura, Mar 2: Adita salrangna skang, Garo Hills Autonomous District Council (GHADC)-ni Executive Membor sakgni, chong•motan Ashahel D Shira aro Grahambell A Sangma, GHADC-ni Secretary in-charge PR Marak-ni office-ona re•angenba, GHADC election-o susana Scheduled Tribe (ST) certificate nangtelgipa ong•ataniko jegaleaha ine social media-rango matnanganiko GHADC-ni Secretary I/c PR Marak jegalataha.
Marak-ni talatani gitade, re•anggipa February-ni 27 tarik Sukrobar salo, Executive Membor sakgni, dingtang dingtang nanga kamrangko golpona gitasa uko uni office-o grongeaha indiba ST certificate-ni gimin jegalna gitade, uamang uko grongejaha.
GHADC election-o susana gita ST certificate-ko nangtelgipa ong•gen ine notification on•ani giminde ba uko jegalna gitade, ia EM sakgni uko grongejaha indiba office-ni dingtang dingtang nanga kamrangni gimin golpona gitasa uamang uni office-ona re•angaha ineba Marak talataniko on•angaha.
“Uni gimin ia EM sakgni, ST certificate-ni gimin notification on•aniko jegalna angni office-o angko grongeaha ine manderangni chanchichipaniara maming pangchakani gri matnanganisan ong•aia,” ine Marak parakataha.
Na·simang iakoba nina man·gen:
Na·simang iakoba poraina man·gen: Sakgni Bangladeshi manderangko Dawki sepango rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
