Tura, Aug 24: Garo Hills Autonomous District Council (GHADC)-o kam ka·enggiparang, ja 43-ni dormaharangko man·kujae, neng·nikanirangko chagrongna nangtokengani gimin GHADC-ni kamrango a·dok sorkari aro Executive Committee-ni gita pangkamgipa cholrangko ra·bana man·na gita Robibar salo Tura-o donggipa dingtang dingtang mondolirang, jinma ku·cholsan ong·e, Nokgipa Isolo bi·chakaniko ong·ataha.
Tom·aniko a·bachengatanio, Tura Don Bosco College-ni Principal Rev Fr Januarius S Sangma, rimchaksoani kattarangko aganangenba, ia tom·ani aro jinma bi·aniko ong·atani miksonganiko jinmana agan-talate on·angaha.
Uni ja·man, A·chik Baptist Dal·gipa Krima (ABDK)-ni padot Rev Dilseng M Sangma, jinmako bi·anio dilangaha aro tom·anio UCA-ni Rev Manseng A Momin, Isolni namgipa kattarangko aganangskaaha.
GHADC-na bi·chakaniko Tura Baptist Mondolini Pamong aro Hawakhana Baptist Mondolini Pamong Rev Frithing D Sangma dilangskaaha.
Ia tom·aniko aro jinma bi·rimaniko ong·atani bidingo Hawakhana Baptist Mondolini Pamong Rev Frithing D Sangma, talate on·angskaengon, GHADC-o ong·enggipa obostarangko Executive Committee-ba aro a·dok sorkariba namatna man·jaengahani gimin pilakko dakna amgipa Nokgipa Isolna pakwatskana miksonge ia tom·aniko ong·ataha ine parakataha.
GHADC-o a·dok sorkari aro district council-ko chalaienggipa Executive Committee, pangkamgipa cholko ra·bana man·na gita dingtangmancha Nokgipa Isolni pattianiko on·china ia salo jinma tom·e bi·aha ineba Rev Sangma parakataha.
Ia tom·aniko ong·atanio MLA-rang, MDC-rang aro dingtang dingtang mondolini membor-rangba bak ra·angtokaha aro GHADC-ko tangatpilchina gita pilakan ja·sku dipane Nokgipa Isolo bi·angaha.
Na·simang iakoba nina man·gen:
Na·simang iakoba poraina man·gen: Shi-Yomi residential school-o wa·al kamanichi skulo poraigipa bi·sa saksa sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
