Dibrugarh, June 10: 2026 bilsini June 8 tariko me·chik bi·sa gimagipako sandiani somoio, Pulin Gogoi-ni dilanio dolsa manderang hotel-ni bosturangko nosto ka·an baksana hotel-o kam ka·giparangko chadrapaha ine Dibrugarh Address Hotel nokgipani matnangatani a·sel gimagipa me·chik bi·sani case-o adita sing·anirangko nakatataha.
Hotel nokgipani Dibrugarh Police Station-o badi ka·anio janapatani gitade, dolsa manderang hotel-ona napdrabaenba, bosturangko nosto ka·e galaha aro uno kam ka·gipa Pinaki Choudhury aro Amar Doley-ko chaprapenba, hotel-na bang·a nangchakeaniko ra·baaha. Sakkina gita hotel nokgipa, CCTV-ni jawilwat aro jachipchangrangko on·anggen ineba aganangaha.
Indake ong·engon, hotel-o kam ka·giparang police-rangna chu·gimik ku·mongpaaniko on·aha ine u·iataha. Uamangni aganani gitade, Room No. 204-oni me·chik bi·sako man·a skang police-rang minute 30 mangna CCTV-o man·gipa jawilwat-ko niangaha. Gimagipa me·chik bi·sa naljoken dongenga aro ua officially hotel-ode dongkujachim ine hotel-o kam ka·giparang u·iataha.
Hotel-o kam ka·giparangni aganani giatde, gimagipa me·chikko man·a ja·man obostarang namjabatna a·bachengaha. Gimagipa me·chik bi·sani ma·gipako man·chape bang·a manderang uamangko chadrapaha ine hotel-o kam ka·giparang aganangaha. Police-rang, sing·sandiani bak gita hotel-o kam ka·gipa adita manderangko ja·mano rim·angaha.
Me·chik bi·sa gimagipako sandina dakchakgipa manderangni aganani gitade, jolo songdonggipa manderang me·chik bi·sani re·a doaniko ma·sina gita CCTV-rangko jakkalaha. A·bachengo police-rangni ia case-ko namrenge ra·anina uamang gisiko suk ong·gijani aro namnikgijaniko parakataha.
Ia ong·a obosta, maikai ia me·chik bi·sa hotel-ni kutturiona sokangaha, hotel-o kam ka·giparang hotel-o dongna re·bagiparangko name niani niamrangko ja·rikahama aro maini a·sel hotel-ni bosturangko nosto ka·ani aro uno kam ka·giparangko doka sataniona sokaha iarangni bidingo sing·anirangko ong·katataha.
Police-rang iani bidingo mamingba talataniko on·kujani gisepon, ia ong·a obostani chong·mot a·selko talna gita uamang sing·sandianirangko dakengkua.
Na·simang iakoba nina man·gen:
Na·simang iakoba poraina man·gen: Arunachal Pradesh-o Assam-ni sak 7 chadamberangko okumu cha·ke dongako naljokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
