Shillong, Jun 4: Sohra jolo gimaenggipa Madhya Pradesh a•dokni tourist Sonam Raghuvanshi-ko sandianio police-rang, an•chi nanggipa raincoat kingsako man•aha indiba ia raincoat-ara ia me•chikni ong•ama ong•ja uko name ma•sikujaenga ine Budbar salo, East Khasi Hills a•jani Superintendent of Police (SP) Vivek Syiem parakataha.
Forensic test-rangko dake niani ja•manosa ia raincoat-o nanggipara an•chi ong•ama ong•ja uko ma•sina man•gen ineba ua aganaha.
SP-ni u•iatani gitade, ia raincoat, Sonam-ni gangipa raincoat ong•ama ong•ja uko police-rang, video-rangoniko name niengkua.
Ia raincoat-ni size-ba 3XL-sa ong•a aro da•o dipet ia raincoat-ara Sonam-ni ong•ama ong•ja name aganna man•kujaenga ine Syiem aganaha.
Gimaenggipa Sonam Raghuvanshi-ko sandienggipani gimin janapatskaengon, sandienggipa dolrang, Budbar salo, Weisawdong jolni diltugipa biaprangoniko sandiangaha indiba mikkarang jimbee waahani a•sel name sandina man•jaha ine SP parakataha.
Mikkarang wagenchimoba, gimaenggipa mandeko uamang sandiangkugen ine janapatengon, ia mandeko sandianio, NDRF, SDRF, Fire & Emergency Service, SIT, SOT aro jolo songdongenggipa manderangoniba gimik sak 50-60-na baten bak ra•enga ine Syiem aganaha.
Gimaenggipa mandeko sandianio police-rang, NESAC-ni drone-ko jakkalengoba mikkarang simani a•selan name sandina man•jaenga indiba ia drone-ni dakchakanichian me•asani manggisikode man•aha ine SP aganaha.
Sombar salo man•gipa manggisiko Mongolbar salosa post mortem ka•ahani gimin uamang post mortem report-ko da•o dipet man•kujaenga ineba SP talataha.
Na·simang ia video-koba nina man·gen:
Na·simang iakoba poraina man·gen: Shillong-o rikna sienggipa IICA-ni gital Campus-ko ta·raken a·bachengatgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
