New Delhi, May 28: A·songni gital Parliament building-ko Robibar salo, a·songni Prime Minister Narendra Modi, nokdonggae on·angaha aro apsan salon, gisik ra·na krabegipa ‘Sengol’-koba Lok Sabha chamber-o songe on·angjolaha.
Jatni gandingko gane a·songni Prime Minister, Gate No. 1 gita Parliament-ona re·napangaha aro uko Lok Sabha-ni Speaker Om Birla rimchaksoaha.
Gital Parliament-ko nokdonggaanio Isolni pattianiko man·na gita Prime Minister, dingtangmancha Isolo bi·angaha aro unbaksana Karkanata-o donggipa Shringeri Math-oni kamalrangba bi·rimangaha.
Ja·mano PM Modi, Sengol-ko ra·bite gital Parliament-ona re·napangaha aro Sengol-ko Lok Sabha-ni Chamber-o donggipa Speaker-ni chokki jakrachipak songe doneaha.
Ia gital Parliament building-ko nokdonggaanio, ia building-ko rikanio kam ka·gipa manderangnaba Prime Minister, shawl aro souvenir-rangko on·e mande ra·pilskaaniko dakangaha.
Ia gital Parliament building-ko nokdonggaanio, Meghalaya a·dokni Chief Minister Conrad K Sangma-ba re·ange bakko ra·angpaaha.
Iakoba poraie nina man·gen: GNLA bobil dolni gital dilgiparang ine a·kangenggipa mande sak 3-ko rim·a
